Kalaallit atuartut Folketingimi oqaluttarfimmik misiliisut

Kalaallit atuartut Folketingimi oqaluttarfimmik misiliisut
Kalaallit atuartut Folketingimi oqaluttarfimmik misiliisut

25.01.16

Tusagassiutitigut nalunaarut.

Ullumikkut Folketingimi inuusuttut inatsisartumiinnermik misiliiffigivaat. Atuartut 179-it, tassa Folketingimi ilaasortat amerlaqataat, taakkunanngalu Kalaallit Nunaanneersut marluk. Taakkualu tassaapput Niaqornaarsunni Atuarfik Kristian Lundbladimeersut 9. klassemi atuartut Kimmernaq Steenholdt aamma Mikael Petersen. Eqqissisimaqalutik Folketingimi oqaluttarfimmik misiliinissartik tiguaat. Danskit nalunaaqutaat malillugu ulloqeqqasioreernermi oqaluttarfik misilissavaat, tassani Danmarkimi Kalaallillu Nunaanni asylpolitikki pillugu folketingip aalajangiiffigisassaattut siunnersuuteqassallutik.

Atuartut politikerit sulinerannut sapinngisamik assingusumik sulissapput, tassa ataatsimiititaliani suliaqarlutik, oqaaseqartitatut saqqummiisarlutik, taasisarlutik kiisalu ministerinik tallimanik apeqqarissarfeqarlutik, statsministeri arfinilissaattut apeqqarissaarfigissallugu.

Kimmernaq: “Peqataasussat allat naapinnissaat siunnersuutitsinnullu qanoq oqaaseqarnissaat pissanganarput. Kalaallit Nunaanniit Savalimmiuniillu allanik ilaasoqarnissaa neriuutigisimagaluarpara, paasigakkuli nunat taakkua marluk sinnerlugit Mikaelilu marluinnaalluta ilaassasugut tamanna tupaallaatigaara. Neriuppunga Inuusuttut inatsisartuini peqataanitsinni misilittagaqarluassalluta, atuarfitsinniillu suliatta saqqummiunnissaanut qulanaarpunga.“

Atuaqataalu ullormilu ataatsimi politikereqatissaa, Mikael ima nangippoq: “Siunnersuutitta toqqarneqarsimanera Folketingimilu inuusuttut inatsisartuini peqataatinneqarnerput tupaallaatigivakka. Akuulersitsinissamut ataatsimiititaliami peqataasut allat naapinnissaat oqaluttarfimmiillu siunnersuutitsinnik saqqummiussinissarput pissanngatiginerpaavakka. “

Inuit Ataqatigiit sinnerlugit Folketingimi ilaasortaatitap Aaja Chemnitz Larsenip tallimanngormat Folketingimut pulaartitik tikilluaqqullugit ima oqarpoq: “Inuusuttut inatsisartuisa malinnaaffiginissaat qilanaarivara. Suli inatsiserpassuit Kalaallit Nunaannut tunngassuteqartut Folketingimi suliarineqartarmata inuusuttut inatsisit qanoq pinngortarnerinut paasisaqarnissaannut tamanna iliuusaavoq pitsaasoq.”

Uani Inuusuttut inatsisartuni ulloqarneranni pisat malinnaavigineqarsinnaapput www.UP16.dk, tassanilu aalajangiinissanut siunnersuutit toqqakkat 60-isut aamma takuneqarsinnaapput. Ulloq aamma TV-kkut toqqaannartumik uani malinnaavigineqarsinnaavoq: http://www.ft.dk/webTV/Direkte.aspx

Apeqqutissaqaruit attavigiuk: Atuartut ilinniartitsisuat, Julius Jeremiassen, Mobil tlf. +299 253203 iml.aaja.larsen@ft.dk tlf. 33375454.

del på de sociale medier

Del på facebook
Del på twitter
Del på linkedin