Inuit Ataqatigiit Folketingimi Campus Kujalleq-miit pulaartoqarput

Inuit Ataqatigiit Folketingimi Campus Kujalleq-miit pulaartoqarput
Inuit Ataqatigiit Folketingimi Campus Kujalleq-miit pulaartoqarput

Atuartut 60-it ilinniartitsisullu sisamat ullumi tallimanngorneq august 12-iani Folketingimi pulaarput.

Inuit Ataqatigiit Folketingimi ilaasortaatitaat Aaja Chemnitz Larsen atuartut tikilluaqquai folketingimilu sulineq oqaluttuaralugu. Atuartut aamma Christiansborg-imi takornariartinneqarput, Aajalu ulluinnarni qanoq Kalaallit Nunaat sinnerlugu sulisarnerluni qanorlu Kalaallit Nunaannut iluaqutaanersoq oqaluttuarivaa.

Aaja Chemnitz Larsen atuartut pulaarnerat pillugu imatut oqaaseqarpoq: “Nuannaarutigeqaara Campus Kujallermi atuartut ullumi Folketingimi pulaarnissaminnut piffissaqarsimammata. Atuartut Kalaallit Nunaanneersut pulaartarnerat assut pingaartittarparput. Isumaqarpunga pingaaruteqartoq atuartut qanoq demokrati ulluinnarni Folketingimi ingerlasarnersoq paasisaqarfigissagaat.”

Atuartut 60-it 3.G-nngoqqammerput klassillu sisamaninngaanneerlutik. Atuartut Barcelonami paasisassarsiorlutik angalasimapput massakkullu København-imiillutik.

del på de sociale medier

Del på facebook
Del på twitter
Del på linkedin