IA Folketingimi politikkikkut siunnersortertaaq tikilluaqquneqarpoq

IA Folketingimi politikkikkut siunnersortertaaq tikilluaqquneqarpoq
IA Folketingimi politikkikkut siunnersortertaaq tikilluaqquneqarpoq

Inuit Ataqatigiit Folketingimi allattoqarfiani aasaanerani sulinngiffeqartoreerluni nutaamik politikkikkut siunnersortilerluni sulineq aallarteqqippoq.

Sapaatip akunnerani matumani Jens Heinrich Inuit Ataqatigiit Folketingimi politikikkikkut siunnersortitut sulilerpoq. Heinrich Ilisimatusarfimmi Issittumi piorsarsimassuseq, oqaasilerineq atuakkialerinerlu ph.d-qassutigivai suliaqarfigeqqammerlugillu“Kalaallit Nunaannut iluaqutissaaqqullugu”pillugu paasisitsiniaaneq aammalu Kalaallit Nunaanni saammaasseqatigiinnissamut Isumalioqatigiisitami ilaasortaaneq.

Folketingimi sulilernissani Jens Heinrich-ip imatut oqaaseqarfigaa: ”Atorfimmi suliassat pissanganartut ingerlatilernissaat aammalu anguniakkat kalaallinut Inuit Ataqatigiinnullu tunngasut suleqataaffigilernissaat qilanaaraakka. Piffissami nutaanerusumi Kalaallit Nunaata oqaluttuassartaanik kingumut allaaseriinniinnarunnaarlunga Aaja allattoqarfillu peqatigalugit oqaluttuarisaanermut immiussueqataalernissaq immikkut pisinnaatitaaffittut pissanganartutut isigaara.”

IAp folketingimi ilaasortaatitaa Aaja Chemnitz Larsen oqarpoq: ”Nuannaarutigaara Jens Heinrich-imik atorfinitsitsinikkut Inuit Ataqatigiit Folketingimi piginnaasaqarluartumik sulisortaaqqimmat. Kalaallit Nunaata oqaluttuarisaaneranik piffissamilu nutaanerusumi pisunik ilisimaarinninnera folketingimi Kalaallit Nunaannik politikkikkut suliniaqarnermut pingaartuuvoq.”

Inuit Ataqatigiit Folketingimi inuttaapput folketingimi ilaasortaq Aaja Chemnitz Larsen, allattoqarfimmi pisortaq Anne-Katrine Brandt Olsen, politikkikkut siunnersorti Jens Heinrich, ilinniagaqartuujutigaluni ikiorti Sara Biilmann Egede ilisimatusaatinullu tunngatillugu ilinniaatigaluni sulisoq.

IA Folketingimi ilinniartuujutigaluni sulisuunissamut qinnuteqarfissaq killeqarpoq 10. august. Tamanna pillugu una atuaruk:http://www.iafolketingimi.dk/praktikant

del på de sociale medier

Del på facebook
Del på twitter
Del på linkedin