Navigate / search

Sara ataatsimiinnissaq pillugu: Neriuppunga kinguneqartussamik oqaloqatigiinneqassasoq

Sara ataatsimiinnissaq pillugu: Neriuppunga kinguneqartussamik oqaloqatigiinneqassasoq
Sara ataatsimiinnissaq pillugu: Neriuppunga kinguneqartussamik oqaloqatigiinneqassasoq

Folketingip Kalaallit Nunaannut tunngasunut Ataatsimiititaliaata/Grønlandsudvalg-ip qallunaat inatsisinut atortitsinermut ministeriannik Morten Bødskov-imik (S) inissiisarfinni pissutsit isornartut pillugit isumasioqatigiilluni atatsimeeqateqarnissaa ammasoq ualimut pissaaq. Sara Olsvig-imut (IA) isumasioqatigiinnissamut aggersaasutut pingaanertut anguniarneqarpoq, ataatsimiinneq paasissutissiisuullunilu kinguneqartitsisussamik ingerlajumaartoq. Isumasioqatigiilluni ataatsimiinneq toqqaannartumik folketingip nittartagaatigut malinnaavigineqarsinnaavoq.

Isummasioqatigiilluni ataatsimiinneq ullumi marlunngornermi 29. maj Danmarkimi nal. 17.00-inngorpat pisussaq ammasuussaaq. Folketingip nittartagaatigut toqqaannartumik aallakatinneqassaaq. Isumasioqatigiilluni ataatsimiinneq nangitsineruvoq Sara Olsvigip IA-milu siuliisa inatsisinik atortitsinerup tungaatigut inissiisarfinnik immikkut isiginnittumik suliaqarsimanerinik. Sara Olsvig qaammatini kingullerni suliamik annertusaavoq, ilaatigut immikkut ilisimasalinnik arlalinnik ataatsimeeqateqarnermigut, inissiisarfinnut pulaarnikkut aammalu inatsisinik atortitsinermut ministerimut arlariinnik apeqquteqarnermigut. Anguniarneqarpoq pitsanngorsaasoqarnissaa aamma nalinginnaasumik inissatigut sulisussaqarnikkullu pisariaqartitsinermut naleqqussaasoqarnissaa. Ajornartorsiutit qanoq ittuunerinik paasiniaaneq piffissami sivisunerusumi ingerlanneqareerpoq, Sarallu kissaatigaa isumasioqatigiillunilu ataatsimiinneq iluaqutigalugu paasisimasaqarpasissumik, piviusorsiorpalaartumik kinguneqartitserusuffiusumillu ministerimik Folketingimilu partiit allat oqaaseqartartuinik toqqaannartumik oqaloqatigiiffiussasoq. Tamannarpiaq siunertaralugu aamma qulakkeersimavaa, ullumi Grønlandsudvalg-imi isumasioqatigiilluni ataatsimiinnissamut Inatsisinik Atortitsinermut Ataatsimiititaliaq ilanngullugu qaaqquneqassasoq.

”Taamatut inatsisiliortutut sulinitsinni isumasioqatigiilluni ataatsimiigiaqqusinissamik periafissamik atuerusussimanera soorunami peqquteqarpoq suliassaqarfik manna sakkortuumik isornartortaqarmat. Kisianni naqissuserusuppara pingaarluinnartuutikkakku, oqaloqatigiinnerup piviusorsiorpalaarnermik tunngaveqarnissaa aammalu suliassaqarfimmut iluaqutaasussamik paasissutissiinissamik aqqutissiuussisuunissaa. Tassami Kalaallit Nunaanni eqqartuussiveqarnerup tungaatigut unammilligassagut annertupput, aammalu inissiisarfinniittunut inissiisarfinnilu sulisunut atugassaqartitsinigut pitsanngorsartariaqarput” Sara Olsvig naggasiivoq.

Sara Olsvigip isumasioqatigiilluni ataatsimiinnissamut aallartisaatitut ataatsimiititaliamit inatsisinik atortitsinermut ministerimut apeqquteqaatit arfineq pingasut (apeqqutit 41-48) aamma § 20 atorlugu apeqqut ataaseq (apeqqut S 3287) nassiussimasai sapaatip akunnerani kingullermi akissuteqarfigineqarput. Akissutit innersuussissutini ataani allaqqasuni atuarneqarsinnaapput. Siuliatigut apeqquteqaatit ii.il. atuarneqarsinnaapput uani www.iafolketingimi.dk imaluunnit Folketingip nittartagaani.

Innersuussissummi uani isumasioqatigiilluni ataatsimiinnissaq pillugu paasissutissat allat aaneqarsinnaapput:

http://www.ft.dk/Folketinget/udvalg_delegationer_kommissioner/Udvalg/Groenlandsudvalget/Nyheder/2012/05/Uddannelse_for_ansatte_aabne_anstalter.aspx

§ 20: http://www.ft.dk/samling/20111/spoergsmaal/s3287/svar/887503/1125811.pdf

41: http://www.ft.dk/samling/20111/almdel/gru/spm/41/svar/887771/1126158.pdf

42: http://www.ft.dk/samling/20111/almdel/gru/spm/42/svar/887839/1126257.pdf

43: http://www.ft.dk/samling/20111/almdel/gru/spm/43/svar/887844/1126263.pdf

44: http://www.ft.dk/samling/20111/almdel/gru/spm/44/svar/887853/1126273.pdf

45: http://www.ft.dk/samling/20111/almdel/gru/spm/45/svar/887855/1126276.pdf

46: http://www.ft.dk/samling/20111/almdel/gru/spm/46/svar/887859/1126281.pdf

47: http://www.ft.dk/samling/20111/almdel/gru/spm/47/svar/887866/1126291.pdf

48: http://www.ft.dk/samling/20111/almdel/gru/spm/48/svar/887868/1126295.pdf

Sara attavigineqarsinnaavoq atorlugit mail sara.olsvig@ft.dk tlf. +45 3337 5404

Print Friendly, PDF & Email