Politiit pillugit isumaqatigiinnialerneq nutaaq: Isumaqatigiinniarnernut IA-mit piumasarineqartut ukuupput

Ualimut Inuit Ataqatigiinnit folketingimit ilaasortaq Aaja Chemnitz Larseni (IA) Justitsministeri Nick Hækkerupi (S) naapissavaa naapinnermilu politiinut tunngatillugu isumaqatigiissummut 2021-imit 2024-imut ukiorpassuarnut atuuttussamut Kalaallit Nunaannit suliniutit oqallisigineqassallutik.

Folketingimi ilaasortap Aaja Chemnitz Larsenip danskit naalakkersuisuisa kinguaassiuutitigut atornerluinermut tunngatillugu uuttuummik nutaamik peqalernissamut tunngatillugu politiillu sumiiffiannik annertusisitsinissamut siunnersuutaat tapersersorpai. Politiilli Danmarkimiittut amerlanernik suleqateqalertillugit sullinneqarneri annikillingaatsiartarput Kalaallit Nunaannilu politiit amerlitillugit akissat amerlineqartannginneri equngasoorutaasarlutik. Namminersornerli pillugu inatsimmi anguniarneqarpoq pitsaassutsit assigiissasut.

”Angusat ajunngitsut amerlasuut pilersinnikuuagut politiillu tungaatigut ukiut tallimat kingulliit pitsannguinikuulluta, iluarsisassalli aniajuaannaleqqapput. Sullissinerit sivisuut, ataqatigiimmik aaqqissuussat qangarnisat, politiit stressilersut ilaatigut Kalaallit Nunaata politeeqarfianni ajoraluartumik ulluinnarsiutaapput. Tamakku aaqqiivigisariaqarpagut. Politiit sulilluaqaat, tunngaviusumilli pissutsit arlallit ingerlalluarnerusinnaapput. Akissarsiat naligiit, suleqatit amerlanerit atortullu nutaaliaanerusut, soorlu aamma hash-imut tunngatillugu pinerluttuliortarneq IA-mit isumaqatigiinniarnerni pingaarnerutinneqarumaarput”, Aaja Chemnitz Larseni oqarpoq.

Demokraatit aamma Siumumit Erik Jensenip qulaani eqqaaneqareersut aamma eqqaavaat, eqqaaneqartorlu kingulliup oktobarip 13-ani siullermeersumik Inatsisartuni suliarineqalerpat siunnersuuteqarfigereerlugu.

Inuit Ataqatigiinnit folketingimi ilaasortaq nuannersumik nipeqarluni oqarpoq: “Nunami maani amerlasuulluta suliassanut pingaarnernut isumaqatigiinnissarput pisariaqartittarparput, soorlu politiit suliffimminnut pitsanngorsaarusunnerat eqqaasinnaavarput. Tassunga tunngatillugu isumaqarpunga amerlasuujulluta isumaqatigiittugut Folketingimiillu Inatsisartuni oqallinneq malinnaalluarfigeqqissaarparput”, folketingimi ilaasortaq Aaja Chemnitz Larseni (IA) naggasiilluni oqarpoq.

Ullormut ataatsimiinneq politiit tungaatigut isumaqatigiilernissamut isumaqatigiinniarnernut ingerlaartunut ilaavoq tassanilu Justitsministerip folketingimi ilaasortat kalaallit Naalakkersuisut Kalaallit Nunaanni politiit pillugit unnerluussisuutitaasullu pillugit suliniutaat pillugit naapittussaallugit.

del på de sociale medier

Share on facebook
Share on twitter
Share on linkedin