Politiinut isumaqatigiilernermi  Kalaallit Nunaat ersarissumik ukkatarineqarpoq

Ullumikkut politiinut isumaqatigiinnermut isumaqatigiissut inerniliiffigineqassaaq. Tamanna politiit unnerluussisuutitaasullu aningaasaqarnerannut 2023-i tikillugu tunngaviusumik atuutissaaq. Danskit naalakkersuisui Kalaallit Nunaanni politiinut pitsanngorsaanermut aningaasanik annertuunik tunisipput. Isumaqatigiissummit ukiami isumaqatigiinniarnernit inernilerneqarput, tamanna pisarnermisut Kalaallit Nunaannik ukkataqarnermit IA-miillu peqataaffigineqarnermit malunnaatilimmik ingerlanneqarpoq.

”Isumaqatigiissummi kissaatigut arlallit ersersinneqarput. Kalaallit Nunaanni politiit sivitsortumi pikkunartorsiortarsimapput kinguaassiutitigullu atornerluinernut nalunaarutit nutaat takkusuunneri malillugit amerlanernik sulisoqarnissaa pisariaqartinneqarluni. Taamaammat Kalaallit Nunaannut ataqatigiimmik ataatsimik sulisunik 13-inik ilaqartumik, tassani politiit qulingiluaasunik kinguaassiuutitigut atornerluinermut tunngasunik suliaqartussanik, pilersitsisoqarnera ajugaasimaarutissaavoq. Taamaaliornermi qaffaaneq ingerlanneqarpoq. Taamaaliornermi neriunnartumik sukkanerusumik meeqqanullu tunnganerusumik suliassanik suliaqartoqarsinnaasassaaq. Politiinut allanik suliassalinnut piffissamik aamma tunisisoqassaaq. Sineriammi politistationit sisamat ataasiinnarmik politiimik sulisullit iliuuseqarfiginissaannut isumaqatigiinniarnernut ilanngunnikuuvunga. Nalunngilarput stressimik PTSD-millu nappaateqalertoqartarnera akulikitsumik pisartuusoq, pingaartumik stationini mikisuni politiinut akunnerit tamakkerlugit suliffiusartuni. Katillugit 79,5 mio. koruunit inerniliiffigineqarsimapput, taakkulu Kalaallit Nunaanni politiinut iluaqutaajumaarput. Tamanna eqqortuullunilu pissusissamisut inerniliineruvoq”, Aaja Chemnitz Larseni (IA) oqarpoq.

”Eqqaamassalluguli pingaaruteqartoq tassaavoq suli equngasoqarnera. Savalimmiuni Danmarkimilu politiit Kalaallit Nunaanni politiinut assersuunneqassappat equngasoqarpoq: Sullissinerit sivisunerusarput, amerlasuut stressimik eqqugaasarput, isumaqatigiissutit pitsaavallaanngillat attaveqaqateqarnermullu aqqutissat ajornannginnerusut suli utaqqivagut. IA Folketingimit aallaaniap qimmiatut pissuseqarluta malinnaarusuppugut, taamaasilluta politiit tungaatigut naleqqatigiimmik atukkanillu naligiissitsinerusumik inerniliissuteqartoqarnissaa sulissutiginiarlugu”, Aaja Chemnitz Larseni naggasiilluni oqarpoq.

del på de sociale medier

Share on facebook
Share on twitter
Share on linkedin