Sisamanngornermi apriilip 19-ani nal. 19-21 Københavnimi Kalaallit Illuutaanni KNAPK-p piniartut kalaallit tapersersorlugit immikkut takutsitsinissaq pillugu paasititsiniaaneranni Sara oqaluguarnissamut qaaqqusaavoq. Pisussaq pillugu una takuuk.
Avannaamioqatigiit siunnersuisoqatigiiffianni ataatsimiinnermit paasissutissat uani takusinnaavatit: http://www.norden.org/da/nordisk-raad/sessioner-moeder-og-konferenser/sessioner/temasession-marts-2012
Isumasioqatigiisitsineq uani isiginnaarneqarsinnaavoq: http://www.wwf.dk/dk/Menu/Det+g%c3%b8r+WWF/Arktis/Arktisk+konference+2012+%232 Isumasioqatigiinneq WWF-mit aaqqissugaavoq. Isumasioqatigiinnermi Issittumi periarfissat unammillerfiillu pillugit oqallittoqarpoq. Sara nunanut allanut ministerimut Villy Søvndalimut apeqqutaa videomi 24:20 minutsinut killiffiup missaanni takuneqarsinnaavoq.
Pingasunngormat Folketing-ip Inatsiseqarnermut Kalaallit Nunaannullu tunngasumik Ataatsimiititaliaat Herstedvester-imi Isertitsivimmut pulaarput.Siunertarineqarpoq inissiisarfik pillugu nalinginnaasumik paasissutissiivigineqarnissaq aammalu inissiisarfimmiiittut oqaaseqartartuinik naapeqateqarnissaq. Sara Olsvig (IA) pulaarnermi peqataavoq aammalu kalaallit inissiisarfimmiittut qaaqqusinerat tunngavigalugu naapinnissaannut periarfissaqarluni. Herstedvester-imi Isertitsivimmut pulaarneq sioqqullugu SarapNuummi Isertitsivik pulaarpaa. Folketingip Inatsiseqarnermut Kalaallillu Nunaannut tunngasumik Ataatsimiititaliaat Herstedvester-imi isertitsivimmut pulaarnerminni inissiisarfimmi pissutsit katsorsaanikkullu periarfissat inissiisarfimmi ingerlanneqartut pillugit sukumiisumik paasissutissiivigineqarput. […] Atuaruk
Savalimmiormiut makrelinik pisassinneqartarnerat pillugu isumaqatigiinngunnermi EU-llu Savalimmiunik mattusiniarnermik siorasaarinerani Sara Olsvig (IA) savalimmiormioq folketingimut ilaasortaq Sjurdur Skaale Savalimmiut tapersersorlugit martsip 8-ni 2012 nalunaarfigaa. Inuit Ataqatigiit Folketingimi suliami tassani pisut isumaqatigiissusiornerillu qanimut malinnaaffigai.