Mette Frederiksen pisortatigoortumik utoqqatserpoq

Ullumikkut statsministerip neriorsuineraniit ukioq ataaseq affarlu qaangiutereersorlu meeqqanut misiliutaasimasunut utoqqatsertoqarpoq. Ulloq oqaluttuarisaanitsinnut pingaaruteqaqaaq, Inuit Ataqatigiinnilu ulloq manna utaqqisimavarput anguniagarisimallugulu.

2019-imi februarimi IA Folketingimi aalajangiiffigisassamik siunnersuuteqarpoq qallunaat nunaat meeqqanut misiliutaasimasunut kalaallit nunaanneersunut utoqqatsissasoq.

Taamanikkut siunnersuuterput ikinnerussuteqarpoq, ullumikkulli angusamut aqqutissiuteqataavoq.

Corona tuniluunnera pissutigalugu utoqqatserneq allakkatigut apuunneqarpoq. Kissaatigisimagaluarparput meeqqat miliutaasimasut ataqqillugit katerisimaarnikkut malunnartinneqassasoq. Taamaattorli nuannaarutigeqaarput utoqqatserneq meeqqat misiliutaasimasut ukiorpassuarni utaqqereersimasaat ullumikkut apuunneqarmat.

Inuit Ataqatigiinniit meeqqat misiliutaasimasut tamaasa eqqarsaatikkut najorpagut – ullumikkut ilissi ulloraarsi.

del på de sociale medier

Share on facebook
Share on twitter
Share on linkedin