fbpx

Inuit Ataqatigiit killeqarfinnut tunngatillugu eqeersimaartumik sulipput – tassunga tunngatillugu Naalagaaffeqatigiinni peqqissaasunut akuerineqartaneq ingerlaannaq atuutilertarnissaa sulissutigalugu

Piorsarsimassutsimut, Ilinniarnermut, Ilisimatuutut misissuinermut Ilageeqarnermullu ataatsimiititaliami siulittaasoq Nunat Avannarliit Siunnersuisoqatigiivinilu ilaasortaasoq Sofia Geisler (IA) septembarimi kalaallit peqqissaasut Danmarkimi najugallit akuerineqartarnerannut tunngatillugu apeqqumminut akissutissarsivoq, Inuit Ataqatigiillu Folketingimit Aaja Chemnitz Larseni siuttoralugu suliaq ingerlateqqissimavaat:

 

”Naalagaaffeqatigiit akornanni nuuttarnitsinni akulikitsumi qularnanngitsumik ajornannginnerusumik eqaannerusumillu suliat ingerlattariaqartassavagut. Danmarkimut nuuttartut aamma eqqarsaatigalugit. IA-mi Folketingimi paasigatsigu Danmarkimi ingerlatsinermi peqqissaasugut ilinniarsimasut pillugit akuersissutit tungaatigut ajortoqartoq ingerlaannaq suliarilerparput. Taamaammat sundhedsministerimut apeqquteqarnikuuvunga killeqarfinnullu tunngatillugu akornutitut taallugu. Piffissami qaninnerusumi inerniliisoqarnissaa naatsorsuutigaara”, Aaja Chemnitz Larseni (IA) oqarpoq.

 

”Inuit Ataqatigiinnit aaliangernikuuvugut killeqarfinnut tunngatillugu akornutinut ukkataqarnerput pitsanngorsarusullugu maannamiillu Nunani Avannarlerni Suleqatigiinnermut Naalakkersuisoq ataqatigiissaarnerusumik suleqatigilernissaa aaliangersimallugu. Taamaammat uanga, Nunat Avannarliit Siunnersuisoqatigiivini ilaasortatut, Folketingimi ilaasortaatitarput Aaja Chemnitz Larseni ilagalugu aamma Nunani Avannarlerni Suleqatigiinnermut Naalakkersuisorput ilagalugu tuaviornerpaamik  killeqarfinnut tunngasut misissorluassavagut, qanorlu inerniliiffigisinnaanerlugit eqeersimaarluta paasiniassallugu. Danmarkimut nuunnermi killeqarfinnut tunngatillugu pisariaqanngitsunik akornuteqarnissaa qulakkiissavarput, taamaaliornitsinnilu Inatsisartut, Naalakkersuisut Folketingilu ammasumik ataqatigiissaareqatigalugillu killeqarfinnut tunngasut pillugit suleqatigissallugit”, Sofia Geisler (IA) oqarpoq.

 

Sofia Geislerip akissutisiaani paragraf 37-i pillugu paasineqarpoq Naalakkersuisut Danmarkimi Sunhedsministeria attaveqarfigisimagaat aamma Styrelsen for Patientsikkerhed oqaloqatigisimallugit, taakkulu paasissutissiisimapput februaarip aallaqqaataanit 2020-mit kalaallinit peqqissaasutut ilinniarsimasunit Nunani Avannarlerni isumaqatigiissut malillugu suliassat suliarineqarsimasut. Allannguutigineqartoq taanna Naalakkersuisut ersarissumik isumaqatigiissuteqarfigeqqaarnagit allanngortinneqarsimavoq.

 

Paragraf 37-i pillugu akissummut link-i: https://ina.gl/documents/para3637/2021/svar/094_2021_autorisationer_sogei_svar.pdfv

Danmarkimi sundhedsministerimut apeqqutinut link-i: https://www.ft.dk/samling/20201/almdel/GRU/spm/128/index.htm

del på de sociale medier

Share on facebook
Share on twitter
Share on linkedin