Inuit Ataqatigiit Folketingimi

Inuit Ataqatigiit Folketingimi pillugu

2001-imi qinersisoqarneraniilli Inuit Ataqatigiit Folketingimi ilaasortaatitaqalerpoq. 2015-imi Aaja Chemnitz Larsen Folketingimut siullerpaamik qinigaavoq, sulilu ulloq manna tikillugu Inuit Ataqatigiit tunuliaqutigalugu ilaasortaalluni.

Inuit Ataqatigiit Folketingimi pitsaasumik ammasumillu Folketingimi partiit tamaasa oqaloqatiginissaat kissaatigivaat. Siammasissumik kinguneqartussamillu isumaliornissaq, partiit tamalaat akornanni suleqateqarnissaq, Folketingimi sulianut aalajangersimasunut ingammillu Kalaallit Nunaannut tunngassutilinni suleqataanissaq Inuit Ataqatigiit-mut pingaaruteqarluinnarpoq.

Kalaallit Nunaannut iluaqutissaq pillugu pitsaanerpaanik naammassisaqarnissaq sunniuteqarnerpaanissarlu anguniarlugit Aajap Folketingimi partiit tamaasa suleqatigisarpai.

Kalaallit Nunaata qinigaatut Folketingimiinnermini inatsisartutigut sulinermi Kalaallit Nunaat sinniisuuffigivaa. Politikkikkut sulinermi Inuit Ataqatigiit naligiinnermut, ataqqeqatigiinnermut ersoqatigiinnermullu tunngavii aallaaviulluinnarput.

aaja chemnitz larsen

Aaja Chemnitz Larsen, MF Inuit Ataqatigiit folketingimi

2015-imi qinersinermi Aaja Chemnitz Larsen, Nuummi inunngornikuusoq, Inuit Ataqatigiit sinnerlugit Folketingimi ilaasortanngorpoq, 2019-imilu qinigaaqqilluni. Aaja Chemnitz Larsen Ilisimatusarfimmi cand. scient. adm.-itut ilinniagaqarpoq.

Kalaallit Nunaannut iluaqutissaq pillugu pitsaanerpaanik naammassisaqarnissaq sunniuteqarnerpaanissarlu anguniarlugit Aajap Folketingimi partiit tamaasa suleqatigisarpai. Kingunilimmik politikkikkut sulinissaq innuttaasunullu sinniisuuffigisanut iluaqusiinissat pillugit Aaja innuttaasunik sulianullu ilisimasalinnik naapitsisarnissaminut tusarnaartarnissaminullu pingaartitsisarpoq.

Ataatsimiititaliat saniatigut Aaja Issittumi Inatsisartunut ilaasrotat ataatsimiititalianni Folketingimit sinniisuuvoq. Tassani nunani issittuni qinikkat Issittumi maannakkorpiaq ajornartorsiutaasut pillugit oqallittarput.

Aajap ilaasortaatitaanerini aatsaat taamak Kalaallit Nunaannut angusaqarluartigisuusumavoq.  Soorlu Folketingimi kalaallit ilaasortaasa isumaqatigiinniarnerni ilaasalerneranut qulakkeerinnissimavoq

Aajukua Folketingimiinninni pingaarnertut politikkikkut anguniakkakka politikkikkullu suliniutissakka

Inooqatigiit akornanni toqqissisimanissaq qaffanneqassaaq – taamaaliorniarutta meeqqat pisinnaatitaaffii qulakkeerniarlugit ingerlaannartumik ukkatarineqassapput, inunnut innarluutilinnut atukkat pitsanngorsarneqassapput kalaallillu Danmarkimiittut suliffissaat amerlineqassallutik.
Akisussaassuseqartumik aningaasaqarneq saqqummiukkusuppara – taamaaliornissannullu Kalaallit Nunaannut aningaasaliissuteqarnissaq soqutiginarsarniarlugu, illoqarfinni nunaqarfinnilu suliffissat amerlanerit pilersillugit takornariaqarnerlu atasinnaasunngorlugu sulissutigalugu.
Eqqissisimasumik ineriartortoqarnissaa illersorusuppara – nakkutiginninnikkut nunatsinnilu illersornissaqarnerup tungaatigut suliniutinut ilisimasaqarnikkut, soorlu aamma internet-i aqqutigalugu pinerluttuliortarneq pinaveersaartinniarlugu nakkutiginninnikkut suliniutinut illersuerusullunga.
Siunissatta qorsuunissaa qulakkeerusuppara – taamaaliorninnilu Kalaallit Nunaat Paris-imut isumaqatigiissummut ilanngunnissaa qulakkeerlugu Kalaallit Nunaannilu “qorsuusumik” ilisimatuutut misissuinissamut naleqqussarnissamullu aningaasaliinissamut soqutiginnittoqalernissaanut sakkortusaaqataallunga.
Aaja Facebook-mi Instagram-ilu maliguk

Inuit Ataqatigiit Folketingimi qinersinerni allani

2001-imiit 2007-mut Kuupik Kleist Folketingimut ilaasortaasimavoq. Kuupik taassuma kingorna partiimut siulittaasunngorpoq tassanilu tunuarnissaminut aalajangersimalluni. 2007-imiit 2011-mut Julianne Henningsen Inuit Ataqatigiit folketingimi ilaasortaasimavoq. Kingorna Sara Olsvig 2011-miit Inuit Ataqatigiit sinnerlugu folketingimi ilaasortanngorluni. Sara 2014-imi Inuit Ataqatigiit-mi siulittaasunngorpoq, folketingimilu suliaminit sulinngiffeqarnissani qinnutigisimallugu. Johan Lund Olsen marloriarluni Sara Olsvigimut sinniisutut folketingimi qinersisoqarnissaata tungaanut ilaasortaasarsimavoq.

Inuit Ataqatigiit Folketingimi Facebook-mi malinnaaffigijuk