fbpx

Inuit Ataqatigiit ataatsimeersuarnissaat kinguartinneqarpoq

Inuit Ataqatigiit siulersuisuunerit nalilersuillareerlutik Inuit Ataqatigiit ataatsimeersuarnissaat Qaqortumi pisussaq 6., 7. & 8. august aalajangiuppaat taamaatinniarlugu, kiisalu Inuit Ataqatigiit ataatsimeersuarnissaat Nuummi 17., 18. & 19. september 2021 pissasoq.
Taamatut aalajangiinermut tunuliaqutaavoq ullumikkut COVID-19 tuniluunnerata sakkortuseqqanera, killilersuutillu julip naanissaanut sivitsorneqarnera pissutaalluni.
Inuit Ataqatigiit pingaartippaat COVID-19-ip ilungersunartorsiortitsinerani akisussaassuseqartumik iliuuseqartuarnissaq inuiaqatigut eqqarsaatigalugit kiisalu pisortat innersuussutaat killilersuutaat ataqqillugit malittuarumagatsigit tunillaassuunnerup minnerpaaffianiitsittuarnissaa anguniarlugu.
COVID-19 akiorniarlugu ataatsimoornissarput aatsaat taama pisariaqartigaaq.

del på de sociale medier

Share on facebook
Share on twitter
Share on linkedin