Navigate / search

Inatsisilerinerup tungaatigut ataataqanngitsut nutaamik suliniuteqarfiginissaannut aningaasartuutissat

Asseq: Inuit Ataqatigiit Folketingimi

Danskit naalakkersuisuisa aningaasartuutissanut inatsimmut siunnersuutaanni Inuit Ataqatigiinnit Kalaallit Nunaannut tunngasumut ilungersuussamut tusaamaneqarluartumut; tassa inatsisilerinerup tungaatigut ataataqanngitsunut suliniummut nutaamut naqinneq nutaaq takuneqarsinnaalernikuuvoq.

Danskit naalakkersuisui aningaasartuutissanut inatsimmut siunnersuutiminni 5,6 mio. koruunit 2020-imit 2023-imut tarnit pissusaannik ilisimasalinnit ikiorneqarnissamut, akeqanngitsumik inatsisilerinerup tungaatigut siunnersortinnernut inatsisilerinerullu tungaatigut ataataqanngitsunut tulluarsarneqarsimasumik ilisimatitsinissamut suliniutinut atorneqartussanik sallinngortitsipput. Sallinngortitsineq Inuit Ataqatigiinnit Folketingimi ilungersuutinit ilaasimasunit sallinngortitsisoqarnikuuvoq inatsisitigullu ataataqanngitsut tungaatigut pisinnaatitaaffinnut kissaammit pinngorlutik. Inatsit 2014-imeersoq inatsisitigut ataataqanngitsunut kina ataatarinerlugu paasiniaanissamut qanorlu eqqartuussisuni suliassartik misilissinnaanerlugu periarfissiisoqarsinnaavoq. Aaqqissuussaq ilimagisamit atorneqannginnerusimavoq suliniutillu nutaat tamanna aaqqinniartussaassavaat.

Inuit Ataqatigiinnit folketingimi ilaasortaq Aaja Chemnitz Larseni danskit naalakkersuisa nutaamik inatsisitigut ataataqanngitsunut paasissutissiinermut tunngasumik suliniuteqartoqarnera tigulluarpaa oqarlunilu: “Suli amerlasuut kikkut ataatarivinnerlugit paasinikuunngilaat tamannalu tarnikkut qilerunitsitsisarpoq. Akeqanngitsumik tarnit pissusaannik ilisimasalinnit ikiorneqarnissaq, inatsisitigut ikiorneqarneqarneq nutaamillu paasissutissiinissamut tapersersortissarsiornerit inuiaqatigiinni eqimattamut tassunga pisariaqartuupput. Neriuppunga suliniut sapinngisamik amerlasuunut iluaqutaajumaartoq”.

KNR-i filmimik pisimasuinnik tunngavilimmik inatsisitigut ataataqanngitsut pillugit saqqummersitsissaaq, soorlu aamma sammisaq pillugu filmimik sanasoqartoq. Aaja oqarpoq: “Inatsisitigut ataataqanngitsunut misigissutsit pineqarnerusarput minnerunngitsumillu pinngorfimmik misigisaqarusunnermut pilersitsisunullu ilisimasaqarusussusermut tunngassuteqartarluni. Tamanna uanga assut ataqqivara qilanaarlungalu danskit naalakkersuisuisa maanna suliniummut annertusititsinissaannut”.

Suliniutit ukiumit nutaamit atuutilernissaat ilimagineqarpoq. 

Print Friendly, PDF & Email