Navigate / search

Inatsiseqarnermut ministeri Søren Pind: Politiit isumaqatigiissutaat Kalaallit Nunaanni politiit nukittorsarneqarnissaannik aammattaaq imaqarpoq

Inatsiseqarnermut ministeri Søren Pind: Politiit isumaqatigiissutaat Kalaallit Nunaanni politiit nukittorsarneqarnissaannik aammattaaq imaqarpoq
Inatsiseqarnermut ministeri Søren Pind: Politiit isumaqatigiissutaat Kalaallit Nunaanni politiit nukittorsarneqarnissaannik aammattaaq imaqarpoq

Folketingimi ilaasortap Aaja Chemnitz Larsenip (IA) Politiit nutaatut isumaqatigiissutaanni 2016-miit 2019-imut atuuttussami Kalaallit Nunaanni politiinut sutigut iluaqusiinissamut inernerit utaqqimaarpai. Isumaqatigiissuteqartut akornanni isumaqatigiissutaasoq qanittukkut naammassineqarpoq. Kalaallit folketingimi ilaasortaatitaat isumaqatigiinniarnerni peqataanngilaq, tamannalu pillugu ilaasortaatitat marluusut tamarmik ullumi ministerimik akisussaasumik, Søren Pindimik, ataatsimeeqateqarnerminni isornartorsiuipput.

“Siullertut Inatsiseqarnermut ministerip atlantikup avannaamiut allaffeqalernissaannik suliniuteqarnera pillugu assut iluarisimaarinnippunga. Tamanna Kalaallit Nunaanni inatsiseqarnermut tunngasutigut pissutsit danskinut atuuttunut naleqqussarnissaannut piumassuseqarnermik takutitsineruvoq, tamannalumi allaffeqarfiup pilersinneqarnissaani aamma anguniagaasoq ministerip ataatsimiinnermi oqaatigivaa. Soorunami isumaqatigiinniarnerni ukunani imaluunniit aningaasanut inatsimmut isumaqatigiinniarnerni peqataatinneqannginnerput uggornaqaaq. Tamannalu ministerimut erseqqissarpara. Akissuteqarnerminilu isumaqatigiissutip kalaallit pilitiivinut nalorninaatsumik nukittorsaaqataanissaa oqaluttuarivaa. Sutigulli iluaqutaanissaa maanna oqaatigisinnaannginnerarpaa, tassami aningaasat inissitsiterneqaqqaartussaammata. Rigspolitiit, Kalaallit Nunaanni Politiit inissisimaffii, suleqatigalugit suliassami tassani peqataatinneqarnissarput piumassuseqarfigalugu oqaatigivaa”, Aaja Chemnitz Larsen oqarpoq.

IA-p ministerimit kissaatigisaannut kommunefogedit sulinerminni atukkamikkut pitsanngorsaavigineqarnissaat ilaavoq, tassa kommunefogedit ilinniartitaanerisa pitsanngorsaavigineqarnissaannut kiisalu nunaqarfinni isertitsiviit pisariaqartinneqarnerannut misissuisoqarnissaanut tunngasut. Aammattaaq ikiuisartut, bistandsværgit, atugaannut tunngasut nunalu tamakkerlugu illersuisoqarfeqalernissamut tunngasut nanginneqarnissaat eqqartorneqarpoq.

Attavissaq: aaja.larsen@ft.dk iml tlf. +45 61624667

Print Friendly, PDF & Email