Navigate / search

IA-p kalaallit angerlarsimaffeqanngitsut Christiansborgimi juullisiornissamut qaaqquai

Nunaqqatigut amerlavallaartut aqqusinermut angerlasimaffeqarnatik pisarput. Kalaallit Danmarkimi angerlarsimaffeqanngitsut amerliartorput. Ukiut marlut kingumut qiviassagutta kalaallit angerlarsimaffeqanngitsut 33%-imik amerleriarnikuupput nunaqqatigullu 800-rujungajaat ukioq manna aqqusinermi juullisiortussaassapput.

Pissutsilli takutippaat angerlarsimaffeqanngitsut amerlasuut imaluunniit atugarliortut Kalaallit Nunatsinneersut Kalaallit Nunaanni ikiorneqanngitsutut misigisartut nuuginnartarneri.

IA-mit angerlarsimaffeqanngitsutut inuunerup ataqqinarnerusumik isikkoqalernissaa sulissutigaarput amerlanerillu angerlarsimaffeqalerlutillu sulilersinnaanissaat sulissutigalugu. Neriuttaraluarpunga iliuuseqarnerusinnaallunga.

Taamaammat kalaallit angerlarsimaffeqanngitsut atugarliortullu allat juullimut tunngatillugu aaqqissuussamut pingasunngorpamut decembarip 11-ani nal. 18:00-imit 19:30-ip tungaanut pisussamut qaaqqusivugut. Tamanna Christiansborg Slot-imi pissaaq. 

Qaaqqussut unnuisarfinnut toqqaannartumik ingerlareerpoq nalunngisaqarussili ilaarusussinnaasunik ingerlateqqiinnassavarsi. Kikkut tamarmik tikilluaqqusaapput.

PS. Qimmit aaqqissuussamut aamma tikilluaqqusaapput.

Print Friendly, PDF & Email