fbpx

Inuit Ataqatigiit Folketingimi praktikkertoq nutaaq

Uani sapaatip akunnerani nuannaarutigivarput Inuit Ataqatgiit Folketingimi allattoqarfianni Ane Marie Nebel Pedersen tikilluaqqusinnaagatsigu. Ane ilinniakkaminut atatillugu praktikkerluni aallartippoq decemberillu qiteqqunnera tikillugu allaffeqarfitsinniissalluni. Nuannaarutigivarpullu Ane soqutigisaqarfimmini praktikkernissaanut periarfississinnaagatsigu uagullu tunniussassai qilanaaraagut.

Ane Aarhus Universitetimi Statkundskab-imi kandidat-imut ilinniagaqarpoq. Ilinniakkaminilu ilaatigut politikki nunallu akimorlugit attaveqatigiinneq soqutigisaralugit – sualummik Kalaallit Nunaat Issittorlu pillugit.

Bachelorimini Anep Kalaallit politikeriisa ilisaritittarnerat allaaserivaa, tamannalu aamma Kalaallit Nunaanni politikkimut soqutiginninnerulernermik kinguneqarsimavoq. Taamaattumillu Inuit Ataqatigiit folketingimi Naalagaaffeqatigiinni Issittumilu nunat akorngini politikkikkut suleqatigiinnissamut anguniagaqarfiusumi praktikkernissani isumalluarfigivaa.

Ane nammineq ima oqaasertaliivoq: “Praktikkilernissara qilanaarinikooqaara, pissutigalugu ilinniakkannut attuumassuteqarluinnarmat. Folketingip illorsuata iluani politikkimut tunngassuteqartunik paasisaqarnissanut ilikkagaqarnissannullu soqutisaqarpunga. Saniatigullu neriuppunga IA-p politikkia aqqutigalugu sulianut iluaqutaasumik sunneeqataasinnaassallunga.”

Inuit Ataqatigiit folketingimiit Anep suleqatiginissaanut qilanaarpugut.

Inuit Ataqatigiit folketingimi praktikkernissamut soqutiginnikkuit imaluunniit ilisarisimasaqaruit soqutinnissinnaasumik, allaffeqarfimmi pisortamut Maaliamut attaveqarsinnaavutit: maalia.christiansen@ft.dk.

del på de sociale medier

Share on facebook
Share on twitter
Share on linkedin