IA: Elektronikkimut atasumik isikkakkut kalunnerit utaqqiisaagallartumillu isertitsiviit atuutilertariaqaraluarput

Inuit Ataqatigiit isumaqarput isertitsivinni utaqqisunut tunngatillugu inernernik allanik qinigassaqartoqartariaqartoq. Partiip illoqarfinni anginerni elektronikkimut atasunik isikkakkut kalunnernik atuisoqartoqartalernissaa pilersinniarpaat. Meeqqanut atornerlunneqarsimasunut atornerluisumik illoqarfimmi angalaartumik takuneq kingunerlutsitseqqinnertut misiginartarpoq.

”Atornerluisut parnaarunneqartartussaapput. Isertitsivinniissinnaanngippata ullutsinnilu inissaqarnani, elektronikkimut atasumik isikkakkut kalunnernik pilersitsisariaqarpugut. Politikkikkut tamanna ukiuni amerlavallaartuni eqqartorneqartarnikuuvoq iliuuseqartoqartassananilu. Taamaanngippat Kangerlussuarmi utaqqiissaagallartumik isertitsivimmik pilersitsisariaqarpugut.

Inunnut ulorianaatilimmik pinerluttuliorneq isertitsivinni pillaatigineqartarnissaa pingaarnerutinneqartariaqarpoq elektronikkikkulli atasumik isikkakkut kalunnerit inatsisinik unioqqutitsinernut annikinnerusunut atorneqarsinnaallutik. Eqqugaasimasunummi atornerluisimasoq illoqarfimmi angalaaginnarsinnaasup takunissaa naleqqutinngitsumik kingunerlutsitseqqinnertut misiginartarpoq”, folketingimi ilaasortaq Aaja Chemnitz Larseni oqarpoq (IA).

Utaqqisunut takisuunut ajornartorsiut inerniliiffigineqassappat Kalaallit Nunaanni pinerluttunik isumaginnittoqarfik isumaqarpoq isertitsiviit amerlanerusariaqartut minnerunngitsumillu ingerlanneqarnissai akissaqarfigineqartariaqartut. Pinerluttunik isumaginnittoqarfik taakku saniatigut inuttalersuinerup tungaatigut amiganermik amerlavallaanillu isertitsivinniittoqarneranik peqquteqarlutik unammillernartunik naapitaqartarput.

“Justitsminerip ajornartorsiummik akuersinera nuannaarutigaara, isumaqanngilangali unammillernartumut inerniliussaa naammaginartuusoq. Ulluni makkunani inerniliisoqarnissaa pisariaqartinneqaraluarpoq – iliuuseqarneq oqaluinnarnermit pineqarluni – pineqartumilu Inuit Ataqatigiit elektronikkikkut atasumik isikkakkut kalunnerit utaqqiisaagallartumillu isertitsiviit pingaartillugit taarusuppaat”, folketingimi ilaasortaq Aaja Chemnitz Larseni naggasiilluni oqarpoq.

Peter P. Olsenip (IA) Inatsisartuni sammineqartoq ingerlateqqissavaa.

del på de sociale medier

Share on facebook
Share on twitter
Share on linkedin