fbpx

Grønlandsudvalg-imi Aaja siulittaasunngorpoq

2019-mi Folketingemut qinersereernermi aaliangiunneqarpoq Grønlandsudvalgimi siulittaasuuneq Kalaallit nunatsinniit aallartitaasunit marluusunit avinneqassasoq. Imaappoq Grønlandsudvalgimi siulittaasoq aamma siulittaasumut tullersorti piffissap affaani paarlaatissasut. Aaja Chemnitz Larsen una aasaq manna pisortatigoortumik siulittaasunngussaaq, 5. juli 2021-miit atuutilersussamik (2019-mi qinersinermi suleqatigiissataliat atuutilermalli). Taamaalilluni Aaja piffissap sinnerani siulittaasuussalluni.

Siulittaasuunermut paarlaanneq persuarsiornertalimmik malunnartinniarneqarpoq Inuiattut ullorsiornitsinni 21. juni Christiansborgimi, Folketingi aasarsiunngilaattaani.

Tunniusinermi Aaja Inuiattut ullorsiornitsinni atatillugu oqalugiaammik peqquneqarsimavoq, kisialli soorunami aamma politikkimut tunngasut oqaatsit aamma taaneqanngitsuunngillat. Tassani eqqaavaa qanoq meeqqat misileraaffigineqarsimasut utoqqatserfigineqarnissaannut sorsuutiginnissimanini, maannalu taarsiivigineqarnissaat anguniarneqalerluni.

Meeqqat misileraaffigineqarnikut maanna pisortatigoortumik Qallunaat naalagaaffianniit utoqqatserfigineqarput, uanga nammineq Meeqqat pisinnaatitaaffiinut saaffiginnissimavunga, maannalu suliaq advokatimut tunniunneqarpoq, sinneruttunut taarsiivigineqarnissaq anguniarlugu.

Saniatigullu suliat annerit tiguai, tassani aasarsiorneq naariarpat suleqatigiissitaliamut suliassanngortussat, uani kalaallit-qallunaallu suleqatigiinnissaat Kalaallit nunatsinni meeqqat inuunerinnerulernissaat pillugu.

-Kalaallit nunatsinni meeqqanik aamma inuusuttunik kinguaassiutitigut atornerluisarnermut kalaallit-qallunaallu suliniuteqarnerat 2023 naanerani aningaasat nunguttussaapput. Massakkut suleqatigiissitaliami Naalakkersuisuusuniillu suliniutigilereertariaqarpoq 2023 qaangiuppat qanoq pisoqaqqissanersoq. Isertuussaagunanngilaq suleqatigiinneq ingerlajuarnissaanut illersuininnut. Isumaqarpunga maanna siunniuttumik suleqatigiinneq iluatsippallaanngitsoq, kisiat aqqutaani ilikkakkagut toqqammavigisariaqarpagut, ataavartumik suleqatigiinneq iluatsinnerunissaanut.

Naggasiullugu kalaallit Danmarkimiittunut periarfissat pitsaanerusut suliniuteqarnissaq:

Inunnik assigiinngitsitsisarnermut suliniuteqarneq ujartorneqarpoq – taanna tapersersorpara. Immikkoortitsineq assigiinngitsutigut tusartarpagut, qulaarineq aamma suliassamik pilersaarusiorneq aqqutissaalluartoq ersarissarniarlugu, taamallu kalaallinik qallunaat nunaanniittunik assigiinngisitsineq akiorniarneqarnissaanut.

Naggataarutaasumik Aajap suleqatigiissitaliamut ersersarpaa qanoq ullormiit ullormut suliniuteqarneq pingaartiginera.

Grønlandsudvalgimi siulittaasutut, suleqatigiissitaliaq ullut tamaqqinnaasa pisariaqaraluttuinnartoq, suleqatigiinnerup pitsanngorsarneqaqqinnissaa aammalu suliniuteqarnerup ersarissumik anguniagaqartumik isumannaarnissaa sulissutigerusuppara. Isumassarsiat aammalu iliuuseqarnissamut suliniuteqarneq tikilluaqquara.

del på de sociale medier

Share on facebook
Share on twitter
Share on linkedin