fbpx

FOLKETINGIMI PRAKTIKKERIT

Ilisimasatit atorlugit suliffeqarfimmi tamatigoortumi kivitseqataagit

Suliffeqarfitsinni praktikkertutut misissuineq, attaveqarneq pisussanillu pilersaarusiorneq ilaatigut suleqataaffigisassavatit. Politikkikkut sulineq inatsisartullu sulinerat qanimut suleqataaffiginissaanut periarfissaqassaatit. Uagullu naatsorsuutigivarput suligasuarsinnaasarnissat, ilinniagarni ilikkakkavit atorlugit kivitseqataasinnaanissat, suliassanik annikinnerusunik aamma tigusisinnaanissat imaluunniit siunnersuuteqarsinnaallutillu nutaanik suliassanik siunnersuuteqarsinnaanissat.

Naatsorsuutigivarput politikkimut, attaveqatigiinnermut inuiaqatigiillu qanoq ingerlanerannut soqutigisaqartuunissat, namminersorlutillu sulianik kivitisisinnaanissat. Uagullu neqeroorutigisinnaavarput suliffeqarfimmi uummaarissumi soqutiginarluinnartunik suliassalimmi, suleqatigiinnermik attaveqatigiinnermik ilisimasallu toqqammavigalugit sulinissami pingaartitsisumi suleqataanissannut.

Kalaallit Nunaannut tunngasunik ilisimasaqarluarnissaq aammalu Qallunaatut Kalaallisullu oqaaseqartuunissaq iluaqutaavoq kisianni piumasaqaataanani.

Inuit Ataqatigiit Folketingimi assigiinngissuseq nukittoqutitut isigivarput kissaatigalugulu sulisut assigiinngitsunik tunuliaqutaqarnissaat. Piukkunnaateqartullu tamarmik assigiinngissitaartunik inuttut toqqammaveqartut Inuit Ataqatigiit Folketingimut qinnuteqarnissaannik kaammattorpagut.

 

Paasissutissat

Praktikkerneq akissarsiartaqanngilaq, sulinerlu sapaatip akunneranut 35 tiiminik naatsorsugaavoq.

Sulineq sulisoq allat peqatigalugit pilersaarusiorneqassaaq nikerartumillu sulisinnaanissaq illuatungeriinnit pingaartinneqarpoq.

Praktikkernissaq upernaami 2022-mi pissaaq, uagullu naatsorsuutigivarput praktikkernerit ilinniarninni ECTS-inut ilaassasoq ilinniarnermusiaqaataasinnaalluni.

 

Qinnuteqarfissaq

Naatsumik qinnuteqaasiat, CV, nersualaartinnerit karakterillu uunga nassiunneqassapput:  maalia.christiansen@ft.dk kingusinnerpaamik 15. november 2021

Apeqqqutissaqaruit allaffeqarfimmi aqutsisup Maalia Lynge Christiansen-ip +45 61625839-mut attaviginissaanut tikilluaqqusaavutit.

del på de sociale medier

Share on facebook
Share on twitter
Share on linkedin