Navigate / search

Eqqartuussisoqarnermut tunngatillugu isumaqatigiinniarnerit aallartipput: Politiinut isertitsivinnilu politiinut akissarsiat qaffanneqartussanngorput

Asseq: Inuit Ataqatigiit Folketingimi

Politiit isertitsivinnilu politiit akissarsiaminnik qaffassimasunik takunninnissaat qanillivoq. Tamanna Inuit Ataqatigiit Folketingimi ukiut arlallit misissueqqissaarnerannit isumaqatigiinniartarnerannillu tunngaveqarpoq. Inuit Ataqatigiit januaarip aallaqqaataannit 2020-imit akissarsianik pitsannguisoqarnissaa piumasarinikuuaat suliffinnilu taakkunani marlunni annertuumik akissarsianik qaffaasoqarnissaa piumasimallugu.

“Folketingimi ilaasortatut sulininni nunaqqatigut suliaminnut allanut assingusunut assinganik akissarsitinneqartarnissaat tamatigut periarfissiinissamik eqqaasaqartarnikuuvunga. Isumaqatigiinniarnerni ataatsimiinnerit aappassaanni tamanna piviusunngortinnissaa qanilliartuaarpoq uangalu piffissami qaninnermi isumaqatigiissuteqarnissarput qanillinertut nalilerpara”, folketingimi ilaasortaq Aaja Chemnitz Larseni Justitsministeriami aappassaanik isumaqatigiinniarnermut ilaanermi kingorna oqarpoq.

Aaja Chemnitz Larsenip isumaqatigiinniaqatimini ukiut sisamat tulliini 50 mio. koruuninik tunisisoqarnissaanut isumaqatigiittoqarnera nuannaarutigaa tamannalu IA-mi ilungersuussamut ingerlanissaa nuannaarutigalugu.

“Ullumikkut ataatsimiinnitsinni neriuutiginikuugaluaqaara isumaqatigiinniarnerit naammassineqassasut oqariartuullu taanna ataatsimiinnitsinni arlaleriarlunga oqaatigaara. Uanga isumaqarpunga politiit isertitsivinnilu politiit isumannaarinnittoqarnissaanik paasisaqassasut taamaalillutik suliap iluatsinnera iluatsinnginneraluunniit sukkanerpaamik paasillugu”, Aaja Chemnitz Larseni oqarpoq. 

Inuit Ataqatigiinnit folketingimi ilaasortaq aappassaanik isumaqatigiinniarnernut ilaalernermini akissarsianik qaffaanissaq kisiat anguniarnagu isertitsivinni politiinut piginnaanernik qaffassaanissaq aamma kissaatigisimavaa: “Uanga isertitsivinni politiit piginnaasaannut qaffassaanissaq isumaqataaffigilluinnarpara suliassarisaannut sanilliullugu appasippallaarujussuarmat. Kisianni uanga isumaqarpunga politikkip tungaatigut isertitsivimmi politiitut ilinniarfik qaffassarnissaa akisussaaffigigipput isertitsivimmi politiit ulluinnarni suliassarujussuartik suliarisinnaasarniassammassuk – qaffaanerlu taanna maannakkut takorusukkaluarpara.”

Isertitsivimmik nutaamik pilersitsineq tigummisanut Danmarkimi najugaqarsimasunut maanna Kalaallit Nunaanni pillarneqarsinnaalernissamut periarfissinneqarsinnaalernerinik inerneqarnikuuvoq. “Piviusoq nutaaq tassaavoq piginnaasanik qaffaasariaqalernerput. Nuummi isertitsivimmut pulaarninni kingullermi tamanna takuara”, Aaja Chemnitz Larseni oqarpoq. Inuit Ataqatigiinnit ilaasortap ajornartorsiut taanna pinerluttunut isumaginnittoqarfimmi ukiuni tullerni isumaqatigiinniartoqarnerani isumaqatigiissutigineqalernissaa naqissutigerusuppaa.

Print Friendly, PDF & Email