Ny Arktis strategi kan ende som skrivebordsøvelse for embedsmænd

Danmarkip ajornartorsiutini avammut Kalaallit Nunaannut ingerlateqqissanngilai

Folketingimi Ilaasortaq Aaja Chemnitz Larsen.

“Pia Kjærsgaardi (DF) maanna nunamut qimaasutut isernissamik qinnuteqarsimasut akuerineqanngitsut Kalaallit Nunaannut nassiuttarnissaanut isumassarsisimavoq – 2019-imilu oqaatsikka nangeqqillugit oqaaseqaqqikkusuppunga. Kalaallit Nunaata Danmarkimi ajornartorsiutit inerniliiffigissanngilai. Nammineq tamanna aaqqitassaraarsi. Siunnersuut taamani siunnersuutigineqaqqaarmat quianaannarporluunniit sulilu aamma taamatut inissisimavunga”, Aaja Chemnitz Larseni, Kalaallit Nunaannit partiimit Inuit Ataqatigiinnit ilaasortaq oqarpoq.

Kalaallit Nunaannit DF-imit taamak siunnersuisoqarmat mamiagineqaqaaq, tamannali taamaalioreernikuummata tupannanngilaq. Ilumoorlungali oqassaanga Socialdemokraatit Nunanut Allanut- aamma Immikkoortortanngortitsinnginnissamut oqaaseqartittakkap Rasmus Stoklundip isumassarsiaq “pilerinartutut” taammagu isumakulussimallunga.

“Nunatsinnut nikassaarpaluttumik naalagaaffiginnippaluttumillu isumaqarnermik takutitsivoq. Danskit naalakkersuisui qaninnerusumik naleqqatigiinnerusumillu suleqatigiinnissamut ammaassisarsimapput, Naalagaaffeqatigiinnullu ulorianarpoq Socialdemokraatinit oqaaseqartittakkap isumassarsiaq taamak eqqumiitsigisoq ingasatsigisorlu tapersersormagu. Soorunami isumassarsiamut pimoorussisoqassappat naligiimmik peqataatitsisoqassaaq peqqissaartumillu ingerlanneqassalluni. Taamatut siunnersuummik Inatsisartut eqqartueqatigeqqaanngivillugit imaluunniit Kalaallit Nunaannit sinniisumik eqqartueqateqaqqaanngivilluni saqqummiineq akuerisassaanngilaq ataqqinninnermillu amigarluinnartumik takutitsinerulluni”.

 

del på de sociale medier

Share on facebook
Share on twitter
Share on linkedin