Navigate / search

Aja Danmarkimi ministeriunermut: DK imi naalakkersuisunngortunut- Kalaallit Nunaannut tunngasut ilanngunneqarlit

Aaja C Larsen
DK imi naalakkersuisunngortunut- Kalaallit Nunaannut tunngasut ilanngunneqarlit

Folketingip ataatsimiittarfiani pisarnertut aperinissamut piffissap iluani DK mi ministeriunerusoq ukunannga sammineqarpoq,tassalu Savalimmiuni Kalallit Nunaannilu folketingimut ilaasortaasunit.DK imi naalakkersueqatigiinnissamut isumaqatigiissutaasut eqqarsaatigalugit Kalaallit Nunaannut apeqqutit attuumassuteqartut pillugit IA miit folketingimut ilaasortaatitaasoq Aaja Chemnitz Larsen ministeriunermut  apeqquteqarpoq,matumanilu naalakkersueqatigiinnissamut isumaqatigiinniarsimanerit apeqquteqarnermi aallaavigineqarput.

”Ministeriunermut eqqaamaqquara taamatut naalakkersueqatigiinnissamik isumaqatigiinniartoqarnerani suliassaqarfiit assigiinngitsut 32 usut  Kalaallit Nunaannut attuumassuteqartuusut suli Danmarkimiisinneqarnerat eqqumaffigeqqullugu.Ullormi tassani ministeriunermut apeqquteqarsinnaaneq naammassimmat Aaja Chemnitz Larsen imatut oqarpoq:” Naalakkersueqatigiinnissaq  eqqarsaatigalugu isumaqatigiissummi pisoqqami apeqqutit Kalaallit Nunaannut pingaaruteqartutut isigisagut arlaqartut ilanngunneqarput,taamaattumillu aamma nutaami ilanngunneqarnissaat qulakkeerniarsimavarput”.

Aaja Chemnitz Larsen imatut itisilerivoq: ”Kingullermik naalakkersuisunngortitsinerup kingorna angusaasut arlaqarsimapput,kisiannili suliassat suli amerlaqaat.Naalakkersuisooqatigiilersut isumaqatigiissutaanni Kalaallit Nunatta eqqumaffigineqarnissaa siunissami politikikkut sulinissatsinni pingaaruteqarpoq.”

2014 imi Inuit Ataqatigiit tungaanniit Folketingip siulersuisui kajumissaarneqarput ministerinut apeqquteqarsinnaanerit piffissaat sivitsoqqullugit.Tamatuma kingorna Atlantikup Avannaaneersut folketingimut ilaasortat qaammatit pingasukkaarlugit ataasiarlutik ministerinut apeqquteqarnissaminnut periarfissinneqarsimapput.

Ministeriunermut Lars Løkke Rasmussenimut (V) Aaja Chemnitz Larsenip (IA) ullormi tassani apeqquteqarsinnaaffiusumi  apeqqutigaa Kalaallit Nunaanneersut folketingimut ilaasortaasut illersornissamut isumaqatigiissusiornissaq eqqarsaatigalugu sumi inissisimassanersut.Kalaallit Nunaata Danmarkillu akornanni killeqarfilersuinerit eqqarsaatigalugit ajornartorsiutaasut aamma apeqquteqarnermi eqqaaneqarput.

Takuuk:Ajap oqaasi pappilianngorlugit ilanngunneqarput.

Print Friendly, PDF & Email