fbpx

AAJAP INUUSUTTUT ISSITTUMI INATSISARTUNUT ILAASORTANUT QAAQQUAI

Issittumi Politikerini siulittaasutut Aaja Chemnitz Larsenip (IA) inuusuttut tamaasa Issittumi najugallit Issittumi sianissutsikkut peqqissuunissamut pitsanngorsaanissamut isumassarsiassanik annissinissaannut qaaqquai. Kalaallit Nunaanni Meeqqat illersuisuattut sulereernerup kingorna meeqqat inuusuttullu nammineerlutik sianissutsikkut peqqissuunissamut iluaqutaasinnaasut pillugit oqaasissaat tusarusunneqarput. Tusakkat Issittumi Politikerinit katersorneqassapput oqartussanullu naleqquttunut ministerinullu toqqaannartumik ingerlanneqassallutik, taamaalilluni Issittumi sianissutsikkut peqqissuseq sapinngisamik tapiiffigineqarniassammat.

”Inuusuttut sianissutsikkut peqqissutsiminnut eqqummaarinnissaat politikkimullu tunngatillugu iliuusissanut ukkatarisassanullu katersinissaq ataatsimut anguneqarnissaat eqqarsaataavoq. Politikeriusugut inuusuttunit Issittumit tamanit taperserneqarnissarput pisariaqartipparput, taamaalilluta inuiaqatigiinni tarnikkut sianissutsikkullu ikiuinissarput ineriartortissinnaassagatsigu”.

Aaja neriuppoq atuarfippassuit iluarsartuullugu pilersaarusiamut peqataassasut atuarnermilu akunnerit atorluarneqarnissaat neriuutigalugu, taamaalillutik decembarip pingajuanni 2021-imi suliarisimasaminnik nassiussisinnaassammata. Suliarisimasaq assigiinngitsutigut ilusilerneqarsinnaavoq: podcastitut, filmitut naatsukullaliatut imaluunniit allaaserinninnikkut, ass. essay-itut imaluunniit oqallissaarutitut iluseqarsinnaalluni. Inuusuttut tapiissutaat tunuliaqutigalugit Issittumi Politikerit Issittumi naalakkersuisunit siunnersuutitut suliarineqassapput kingornalu Issittumi naalakkersuisunut ingerlateqqinneqassallutik.

Qaaqqusineq inuusuttunut periarfissiilluarneruvoq, taamaaliornikkut Issittumi nunani oqartussanut toqqaannartumik oqaaseqarsinnaasussaammata.

”Iluarsartuullugu pilersaarusiap ineriartortinnissaanut kissaatinnut peqqutaavoq meeqqat inuusuttullu sianissutsikkut peqqissusaat ukkatarineqarnissaat pingaaruteqarmat. Taanna eqqaassanngikkaanni Issittumi inuusuttut peqataatinneqarnissaat pingaaruteqarpoq uagut politikerit suliatsinni pingaartitaat ilanngussinnaaniassagatsigit. Inuusuttut suleqatigiumagutsigit qanoq eqqarsartarnersut nunarsuarmullu avatangiisimiittumut paasinnittariaaseqarnersut paasisariaqarparput”, Aaja Chemnitz Larseni oqarpoq.

Aaja nangippoq:

”Politikerisut sulinermi innuttaasut tamaasa ilanngunnissai pingaaruteqartuuvoq. Taamaaliornermi inuusuttunik peqataatitsineq ajunngitsuuvoq, Issittumi sianissutsikkut peqqissusermut oqallinnermi tapiisinnaaneq aamma pingaaruteqarmat Issittumilu atuarfinni paasisaqarfigineqarnissaa pingaaruteqarluni. Inuusuttut nassiussaannik takunissara assorujussuaq qilanaarivara”.

Taakku saniatigut Aajap inernerit tigunissaat suliareqqinnissaallu qilanaarinerarpai. Aajap neriuutigivaa peqataasinnaasut tamarmik peqataassasut.

Piffissaliussap killinga decembarip pingajuanut inissinneqarnikuuvoq suliallu tuluttut allataassallutik imaluunniit oqaasertaqassallutik. Issittumi Politikerit nittartagaanni paasisaqarnerusoqarsinnaavoq: Arctic schools invited to Call for Papers about mental health – CPAR (arcticparl.org).

del på de sociale medier

Share on facebook
Share on twitter
Share on linkedin