Aajap SIK-mit assigiimmik suliaqarsimanermi akissarsianik naligiisitsinissamut kissaatigineqartoq tapersersorpaa

Naalagaaffiup iluani atorfillit Kalaallit Nunaanniittut politiiusinnaapput, isertitsivinni politiit ilaatigullu eqqartuussivinni politiinilu allaffimmiuusinnaallutik. Taakku tamarmik Danmarkimi assigiimmik suliffilinnut sanilliullugit annikinnerusumik akissarsisarput. Folketingimi ilaasortap Aaja Chemnitz Larsenip (IA) SIK-mit naalagaaffiup iluani Kalaallit Nunaanni atorfillit – aamma allaffimmiut – akissarsiaginnerulernissaanik kissaataat tapersersorpaa.

”Politiit isertitsivinnilu politiit akissarsianik qaffaaffigilerpagut. Tamanna iluatsinnera ajugaanertut taaneqarsinnaavoq – taamaalillunilu aamma takutinneqarluni naalagaaffimmut akisussaassusermik atorfilinnullu assigiimmik peqqusinermik assoruulluni kissaateqaraanni akilersinnaasoq. Puigussanngilarpulli Kalaallit Nunaanni naalagaaffiup iluani atorfillit amerlasuut naligiinnginnermik pineqartutut misigisartut. Tamanna allanngortinneqassaaq. Massakkut taakku sulissutigilissavagut”, Aaja Chemnitz Larseni (IA) oqarpoq.

SIK-meersut ammasumik allakkaminni Kalaallit Nunaannit folketingimi ilaasortanut tusagassiutinullu allapput Kalaallit Nunaanni fagini assigiinngitsuni naalagaaffeqarfimmit immikkoortitsineq unitseqqullugu. Inuit Ataqatigiinnit pineqartoq paasineqarluinnarpoq politiinut isertitsivinnullu politiinut akissarsiat tungaatigut aaqqiisoqarnissaa pileraluartoq naligiimmik akissarsiat tungaatigut suliaq naammassilinngimmat:

”Uanga SIK-miittut isumaqatigeqaakka isumaqarlungalu naalagaaffiup atorfillit Naalagaaffiup iluani sumiluunniit inissisimasut assigiimmik akissarsitittassagaat. Sumi inunngorsimaneq tunngavigalugu akissaasersuineq soorlu uteqqiinnartoq, taamaattussaanngilarli. Uanga soorunami isumaqarpunga suliaq inernilertariaqartoq. Tassani aamma Naalakkersuisunit suliat assigiitsillugit assigiimmik akissarsisarnissamut tapersersuisoqarnissaa pingaaruteqarpoq”, Aaja Chemnitz Larseni naggasiilluni oqarpoq.

Aaja Chemnitz Larseni suliaq aallarnisarniarlugu justitsministerimut Nick Hækkerupimut aammalu akileraartarnermut ministerimut Morten Bødskovimut apeqquteqarsimavoq.

Apeqqutit takorusukkaanni ataani link-it takuneqarsinnaapput:

Grønlandsudvalg spørgsmål 30

Grønlandsudvalg spørgsmål 31

Grønlandsudvalg spørgsmål 34

del på de sociale medier

Share on facebook
Share on twitter
Share on linkedin