fbpx
Aaja Nuuk

Aaja Kalaallit Nunaanni Issittoq pineqartillugu Issittumi Inatsisartuni ilaasortanut 24-nut nunat assigiinngitsut akornanni naalakkersuisuunerit ataatsimiinnissaannut qaaqqusivoq

Septembarip 11-anit 13-ata tungaanut Aaja Chemnitz (Folketingimi ilaasortaq) Nuummi nunat assigiinngitsut akornanni naalakkersuisuunerit ataatsimiinnissaannut qaaqqusivoq, tassani Issittumit politikerit peqataassapput. Naalakkersuisuunerit ataatsimiinnissaannut ataatsimiinneq politikerinut innuttaasunullu ammasuutinneqassaaq.

Upernaaq IA-mit Folketingimi ilaasortap Aaja Chemnitzip Folketingip Præsidiumianit 1,9 millionit koruunit tunniunneqarnissai qulakkeerpaa, taakku Issittumi Inatsisartunit ilaasortanut ataatsimiisitsinissamut atorneqartussanngorlugit. Tamanna Aajap Issittut Inatsisartuannut siulittaasuuneranit tunngaveqarpoq.

”Ukrainemi sorsunnerup Issittumi suleqatigiinnissaq unammillernartittarsimavaa, taamaattorli aamma takutillugu suleqatigiinnissaq qanoq pingaaruteqartiginersoq. Naapinnissarput maanna pingaaruteqartorujussuuvoq. Issittumi Siunnersuisooqatigiit suliaat unitsikkallarneqarnikuupput, uagulli Issittumi Inatsisartuni ilaasortaasugut Rusland minillugu naapinniarpugut. Issittumi naalakkersuisunut silap pissusaa, nunap inoqqaavi aamma Issittumi annertunerusumik inuussutissarsiulernissamut innersuutissanik pissarsinissaq anguniarparput”.

“Nuummi naalakkersuisuunerit ataatsimiinnissaannut qilanaarpunga. Naalakkersuisuunerit ataatsimiinnissaat siulleq pissaaq. Uannut sammisat allat aamma qaqinnissai pingaaruteqarput, soorlu Issittumi demokratii, Issittumi arnanik aqutsisoqarneq aamma Issittumi aningaasaqarnikkut ineriartortitsineq, tamanut ammasumik aamma oqallitsitsisoqassaaq, tassani filmit tusagassiuutillu, inatsisilerineq aamma Issittumi ilisimatuutut misissuinerit eqqartorneqassallutik. Naalakkersuisuunernut ataatsimiisitsinermi, taassumallu saniatigut pisoqartuni allani ilisimasallit innuttaasullu soqutiginnittut tusarnaarnissaminnut peqataanissaminnullu periarfissaqassapput. Ulluni naalakkersuisuunerit ataatsimiiffianni kaffillertoqassaaq, kalaallisut nipilersortoqassalluni kalaallisullu piorsarsimassuseq sammineqassalluni, innuttaasut Issittumi Inatsisartut naapissinnaanngussavaat”.

Ataatsimiinnerit tamanut peqataarusuttunut ammapput. Naalakkersuisuunernut ataatsimiisitsinissamut programmi piffissami qaninnermi tamanut saqqummiunneqassaaq, ataatsimiititaliap nittartagaani hjemmeside aamma Facebookianni facebookside takuneqarsinnaassalluni.

del på de sociale medier

Share on facebook
Share on twitter
Share on linkedin