Navigate / search

Aaja Issittuni inatsisartunut ilaasortanut ataatsimiititaliami Folketingi sinnerlugu toqqagaavoq

Folketingimi issittunut tunngasunut sinniisunit Aaja Chemnitz Larseni Issittuni inatsisartunut ilaasortanut ataatsimiititaliami sinniisussanngortinneqarpoq. Ilaasortanit akerliusoqanngitsumik tapersersuisoqarpoq. Ataatsimiititaliap ass. issittuni inatsisartunut innersuutit suliarisarpaat. 

Asseq: Inuit Ataqatigiit Folketingimi

“Issittut silarsuarmi inuiaqatigiinni suli pingaarneruleraluttuinnarput. Taamaammat uannut nunarsuarmut tamanut siaruarsimasumik soqutiginninneq uagutsinnut issittuniittunut inuussutissarsiornikkut, ilinniarnerup tungaatigut issittunilu ataatsimut silap pissusaanik allanngoriartornermi iluaqutissanik sulissutiginninnissaq pingaaruteqarpoq. Uannut iluaqutaasorujussuuvoq issittuni ataatsimiititaliami periarfissanik ilisimasaqarluarama  taamaalillungalu tamakku tungaatigut innersuussuteqartarsinnaallunga”, Aaja Chemnitz Larseni sinniisutut toqqagaanermi kingorna oqarpoq.

IA-mit folketingimi ilaasortaq aappassaarluni toqqagaavoq Folketingimit ataatsimiititaliami 2015-imit 2019-imut ingerlasumi sinniissooreernikuulluni. Taamaalilluni Kalaallit Nunaat Naalagaaffeqatigiillu ataatsimiititaliami eqqartorneqarnissaat sulissutigiinnarnissaanik periarfissaqalerpoq. Ataatsimiititaliaq issittunit inatsisartunik ilaasortanik arfineq-pingasunik ilaasortaqarpoq.

Issittuni inatsisartunut ilaasortanut ataatsimiititaliaq paasisaqarfiginerorusukkukku una tooruk: http://www.arcticparl.org/committee.aspx

Folketingimit issittut pillugit sinniisut paasisaqarfiginerorusukkukkit una tooruk: https://www.ft.dk/da/internationalt/delegationerne/den-arktiske-delegation

Folketingimi issittut pillugit oqaluttuarisaanermut paasisaqarusukkuit una tooruk:

Print Friendly, PDF & Email