Navigate / search

Aaja Chemnitz Larsenip oqaaseqartittakkatut aviisimut ilanngutassiaa nunani issittuni sinniisunik pilersitsinissamut siunnersuummut tunngasoq

Folketingimit ilaasortamit Aaja Chemnitz Larsenimit, Inuit Ataqatigiinneersumit oqaaseqartittakkatut aviisimut ilanngutassiaq, decembarip 13-at 2018.

Inuit Ataqatigiit sinnerlugit Folketingimi ilaasortaanikumit Sara Olsvig-imit issittuni suleqatigiissitanik pilersitsineq aallarnerneqarnikuuvoq. Tamanna isumaqarpunga oqaatigissallugu pingaaruteqartoq.

Nuannaarutigaarput Folketingimi nunat issittut tungaatigut pimoorussinermik takutitsisoqarmat. Dansk Folkepartiimit allannguerusunnermit siunnersuut tapersersorparput. Siunnersuummi danskit partiit minnerit issittumi sinniisuni peqataatinneqarnissaannik periarfissinneqarnissaat isumaqataaffigaarput. Nunani issittuni taamak amerlatigisut suleqataarusunneri nuannerpoq Folketingimiinninnilu pimoorussinerup annertusisimanera ersarilluni. Tamanna nuannerluinnarpoq.

Taamaattorli erseqqissartariaqarpara qanoq ilaasortat amerlassusaat apeqqutaanngitsigineri, taamaattorli tunniusimaneri issittuni sinniisutut sulinermi pingaaruteqartoq. Folketingimi Atlantikup avannarpasittuanneersut nunani issittuni sinniisuni ilaanissaat naleqqulluartuuvoq. Tamanna erseqqissassallugu uagutsinnut pingaaruteqarnikooqaaq. Tassami uagut taakkuugatta nunanut issittunut ilisimasaqarluartut Folketingillu iluani nunanik issittunik sullissinermi taperseeqataarusulluta.

Inuit Ataqatigiinnit taamaattumik oqaatigerusupparput Atlantikup avannarpasissuanneersumik siulittaasoqarnissaq pissusissamisoortutut isigalugu. Tamanna tunuliaqutigalugu folketingimut qinersinermut qanoq nunani issittuni sinniisussat katiterneqassanersut qulakkeerniarlugu eqqaamaniarumaarparput.

Oqaatsit taakku atorlugit Inuit Ataqatigiinnit tapersersuinerput takutipparput – nalunngilaralu Tjóðveldi aamma taamatut inissisimasoq – Dansk Folkepartiimiillu siunnersuut tapersersorparput. Qujanarujussuaq. 

Print Friendly, PDF & Email