Navigate / search

Praktikki

Asseq: Inuit Ataqatigiit Folketingimi

Folketingimi praktikkilerit
Suleqatigiit Inuusuttut akornanni suliffeqarfimmi pissanganartumi sulqataarusuppit? Politikki soqutigaaajuk imaluunniit paasisaqarfiginerorusuppiuk? Taamaappat Folketingimi Inuit Ataqatigiit allaffeqarfianni ilinniagartuutut praktikkernissamut periarfissaqarputit 2020-mi upernaakkut ingerlasussami!


Neqeroorutigisinnaasagut
Inuit Ataqatigiit Folketingimi suliffeqarfiuvoq allanngorartuartoq pissanganartorlu, ullullu tamaasa suliassat pissangartuullutik. Suliffeqarfimmi Kalaallit Nunaat sammisaraarput – tamannalu inuiaqatigiinni nunanilu assigiinngitsuni sulissutigalugu. Ilinniagartuutut praktikkerninni Folketingimi inatsisartut suliaannik malinnaanissamut immikkuullarissumik periarfissikkusuppatsigit, aammattaaq Kalaallit Nunaanni Danmarkimilu politikkikkut pisuni malinnaasinnaanissamut periarfissaqarputit.


Praktikkernermi suliassat
Ilinniagartuutut praktikkerninni suliassatit pingaarnerit paasisassarsiornernik, misissueqqissaarnernik Aaja Chemnitz Larsenillu politikkikkut suliaanik anguniagaanillu ingerlatitseqqiinermik ilaatigut imaqarput. Taakku saniatigut ulluinnarni allaffeqarfimmi suliassat suleqataaffigissavatit, taakku akornanni ataatsimiinnernut pisussanullu piareersaasassallutit. Namminersortumik pilersitserusussusilimmillu suleriaaseqarnissat naatsorsuutigaarput suliffeqarfimmillu uummaarissumik pissanganartunik suliaqarfiusumi ilaanissat neqeroorutigisinnaavarput. Suliffeqarfitsinni suleqatigiinneq, attaveqaqatigiinneq sulianillu pitsaasumik pilersitsinissaq pingaartittarivarput.


Piumasaqaatit paasisassat
Ajornanngippat kandidatitut ilinniartuussaatit praktikkernerillu akilerneqarnaviarnani, taamaattorli merit-inik (ECTS-inik pissarsiffiusumik) pissarsisinnaanissat ilinniarnerpit ingerlanerani SU-siffiusumi ilaasussaavoq. Praktikkip sivisussusaa pillugu eqaatsumik aaqqiinissamut ammavugut, sulianullu tunngatillugu ingerlaavartumik nalilersueqatigisassallutit.


Qinnuteqaat

Qinnuteqaammik naatsumik, CV-mik, inassuteqaatinik, karakterinik uunga nassiussigit: Anne-Katrine.Olsen@ft.dk .Qinnuteqaat ”Praktikant”-imik atserneqassaaq.

Apeqqutissaqaruit politikkikkut siunnersuisoq Sara Biilmann Egede-imut saffiginninnissannut tikilluaqqusaavutit, +45 6162 5223

Print Friendly, PDF & Email