Navigate / search

Video: Inuit Ataqatigiit folketingip ukiua 2015-2016 kigumut qiviarpaa

Ullumikkut ukioq ataaseq qaangiuppoq Aaja Chemnitz Larsen Folketingimut qiningaaqqaarmat partii Inuit Ataqatigiit qinersinermi Folketingimi partiini Kalaallit Nunaanneersuni anginerpaanngortoq tunuliaqutaralugu. Folketingimut qinersisoqareerneraniit ukioq ataasinngortorsiornermut atatillugu Inuit Ataqatigiit Folketingimi ukioq qaangiuttoq kingumut qiviarpaa. Ukioq ulapiffik, partiip qiningaaffiup sinneranut ineriartortitassanik siullernik aallarniiffigisaa.

Aaja Chemnitz Larsen ukioq siulleq Folketingimi ilaasortaaneq pillugu imak oqarpoq: ”Ukiumi siullermi anguniakkat arlallit anguneqarput, ukiullu tulliani politikkikkut sulinermi suliassat aallarnersaataasussat suliarineqareerput. Taamaammat neriunartoqarluarpoq folketingimi ilaasortatut anguniassallugit qinersimasakka angujumaarikka. Inuit Ataqatigiit Folketingimi naalakkersuisut tunngavilersuutaannut sunniuteqarluarpoq, folketingimi ataatsimut Issittormiut inatsisartuisa ataatsimiititaliaani sinniisuneq aammalu Kalaallit Nunaanniit siullersaalluni Europarådimi sinniisutut ilaasortaaneq aqqutingalugit.”

”Assut tulluusimaarutingaara nammineerlunga kalaallit Folketingimi ilaasortaatitaasa aningaasaqarnermut inatsip isumaqatiginninniutigineqarnerani akuutinneqartalernissaat, imminnut isummaminnillu saqqummiussisalernissaat sorsuutigisimagakkit. Oqaluttuarisaaneruvoq assullu nunatsinnut iluaqutaassalluni uani qiningaaffimmiinnaanngitsoq siunissarli aamma ilanngullugu.” taamak Inuit Ataqatigiit folketingimut ilaasortaatitaat naggasiivoq.

Saaffissaq: +45 61624667 imaluunniit Aaja.Larsen@ft.dk

Print Friendly, PDF & Email