Navigate / search

Sara Nunanut Allanut politikkeqarnermut Ataatsimiititaliarlu USA-miipput

Sara Nunanut Allanut politikkeqarnermut Ataatsimiititaliarlu USA-miipput
Sara Nunanut Allanut politikkeqarnermut Ataatsimiititaliarlu USA-miipput

Tusagassiuutinut nalunaarut:

Obamap Issittumi iliuusissatut pilersaarutaa Nunanut Allanut politikkeqarnermut Ataatsimiititaliap angalanerani Sara Olsvig-imut angalaqataanullu ilisaritinneqassaaq

Ullumi folketingimi Nunanut Allanut politikkeqarnermut Ataatsimiititaliap USA-mut angalanini aallartippaa. Sara Olsvig (IA) ataatsimiitaliamullu ilaasortat allat arfineq marluk peqataapput. Ataatsimiititaliap angalanermini tikitassarai New York aamma Washington, tassanilu ilaatigut oqallisigisussavaat illua-tungaani USA’p illua-tungaanilu Danmarkip EU-llu akornanni pissutsit aammalu Obamap allattoqarfiata Issittumut pilersaarutaa tusarfigissallugu

Sara angalaqataalu USA-mut angalanerminni periarfissarissaassapput politikerinik arlariinnik, NGO’nik, nunat assigiinngitsut akornanni suliniaqatigiiffinnik, isummersuisitanik atorfilittanillu oqaloqateqarnissaminnut. Tamakku tamarmik USA´p nunap iluani politikkikkut inissisimaneranik minnerunngitsumilli USA´p nunanut allanut politikkikkut pingaarnersiuineranik aammalu præsident Barack Obamap Issittumut iliuusissatut pilersaarutaanik politikerinut danskit inatsisartuineersunut sukumiisumik paasisaqartisissapput.

Sara Olsvig: ”Angalanissarput qilanaareqaara, tassanimi parlamentarikerit uagut amerikkarmiut politikkiat atituumik paasisaqarfigissavarput.Ingammik qilanaarivara USA´p nunanut allanut politikkikkut pilersaarutaasa paasisaqarfiginissaat aammalu qilanaareqalugu Washington-imi inatsisartunut ilisarititinneqarnissarput”.

Obamap allattoqarfianik ataatsimeeqateqarnermi, USA´p Issittumut iliuusissanik pilersaarutaanik eqqartueqatigiiffiusussami, aamma Issittumi sillimaniarnikkut unammilligassat taakkulu USA´p tungaanit pitsaanerpaamik qanoq iliuuseqarfigissallugit eqqarsartoqarnersoq saqqummiunneqassapput. Politikerit aamma periarfissaqassapput amerikkarmiut qallunaallu Issittoq pillugu suleqatigiinnerat tusagaqarfigissallugu.

Angalaneq naassaaq tallimanngornermi 18. Maj, tassaavorlu Sarap Folketingimut qinigaarlaatut ilaasortaanermini ataatsimiititaliatigoortumik angalanera siulleq.

Angalanermut pilersaarut tamakkiisoq uani aaneqarsinnaavoq:

Nævnsrejse til USA

Paasisaqarusuttoqaruni Sara attavigineqarsinnaavoq uku atorlugit: mail sara.olsvig@ft.dk imaluunnitsms +45 33375404 ( nalunaaqutaq Danmark-imut sanilliullugu 6 tiiminik nikinganeqarpoq ).

Print Friendly, PDF & Email