Navigate / search

Politikkitigut siunnersuutit

Kalaallit Nunaat Toqqissisimanarnerusoq

Inatsisinik atuutsitsineq nukittuujussappat inuiaqatigiit ingerlalluartut pisariaqartinneqarput, Namminersornermullu inatsisit naapertorlugit susassaqarfik taanna nukittorsarneqarlunilu inuiaqatigiinnut nutaaliaasunut naleqqussarneqassaaq. Inuiaqatigiit ingerlalluarnissaannut innuttaasut inuiaqatigiit inatsisaannik, malittarisassaannik kiisalu eqqartuussisoqarnikkut ingerlatsiviannik paasisimasaqarnissaat pisariaqarpoq. Taamaasilluni inatsisinik atuutsitsinikkut ineriartortitsineq kalaallit inuiaqatigiit oqartussaanerup tungaatigut ineriartortinneqarnerinut atassuteqarpoq. Politikki eqqarsaatigalugu inatsisinik atuutsitsineq taamaallaat Folketingimit aallunneqassanngilaq, kalaallilli inuiaqatigiit, pingaartumik Inatsisartut Naalakkersuisullu, Folketingip danskillu naalakkersuisuisa

 

Issittumut isumannaatsumut anguniagassat qulit

Inuit Ataqatigiit illersornissakkut politikkitigut siunnersuutaat ukiuni aggersuni Kalaallit Nunaata illersornissatigut suliassanik qanoq naammassinnissinnaaneranut partiimiit ataatsimut isigalugu pilersaarusiaavoq. Siunnersuummut aallarniisuuvoq Inuit Ataqatigiit Folketingimi, taamaattorli susassaqarfimmi tassani partiip tamakkiisup siunnersuutigivaa. Ullumikkut siunnersuutip saqqummiunneqarnerani Kalaallit Nunaanni illersornissaqarfiup sumiiffinniit peqataaffigineqarnissaa Aaja Chemnitz Larsenip pingaartillugu oqaatigivaa. Siunnersuummi anguniakkat ilaattut Kalaallit Nunaanni amerlanerit ilinniagaqartinnissaat illersornissaqarfimmilu atorfininnissaat saqqummiunneqarpoq, taamatuttaaq sumiiffikkaartumik misilittakkat piginnaasallu atorneqarsinnaanngorlugit nunatsinnilu illersornissaqarfik nukittorsarneqarsinnaanngorlugu Kalaallit Nunaanni inuinnaat illersornissakkut ilinniarfissaannik pilersitsinissaq saqqummiunneqarluni.

 

Kalaallit Danmarkimiittut ilanngutitinneqarnerunissaat

 

 Allakkiami matumani Folketingimi Inuit Ataqatigiinniit kalaallit Danmarkimiittut pitsaanerusumik nukittunerusumillu ilanngutitinneqarnissaannut siunnersuutit tigussaasut saqqummiunneqarput. Siunnersuutit nuna tamakkerlugu periusissiassamut sananeqartussamut tapertaapput. Kalaallit Danmarkimiittut nukittunerusumik ilanngutitinneqarnissaannut naalakkersuisut iliuuseqarnerunissamik nalunaaruteqarsimanerat aallaaviuvoq, kalaallinut inuuniarnikkut ajornartorsiuteqartunut atukkatigut pitsanngorsaanissaq ilanngullugu.

 

Print Friendly, PDF & Email