Navigate / search

Pituffimmi kalaallit danskillu kiffartuussinissamut isumaqatigiissutaannut tunngatillugu piffissaaruttoqalerpoq

Asseq: IA Folketingimi
Asseq: IA Folketingimi

Ullumikkut Ministeriuneq Lars Løkke Rasmussen (V) folketingimi apeqqarissaarnermi Atlantikup avannaata ilaasortaatitaanit sisamaasunit apeqqarissaarneqarpoq. Inuit Ataqatigiit Folketingimi ilaasortaatitaata, Aaja Chemnitz Larsenip, Pituffimmi kiffartuussinissamut isumaqatigiissummut atatillugu naalakkersuisut tamakkiisumik iliuuseqarsimasutut misigisimanersut ministeriunermut apeqqutigivaa, tassami sakkutooqarfimmi kiffartuussineq danskit-kalaallillu ingerlatsiviannit, Greenland Contractorsimit, isumagineqarsimasoq ukiormanna amerikkarmiut ingerlatsiviannit isumagineqalertussaavoq.

Taamatuttaaq Aaja Chemnitz Larsenimit Kangilinnguani sorsuutit umiarsualiviannut pisamut tunngatillugu Ministeriunerup qanoq atuuffeqarsimanera apeqqutigineqarpoq, qanittukkummi  danskit naalakkersuisut tassani inuttaleeqqinnissartik aalajangerpaat, kineserit tassannga soqutiginnissimanerannik patsiseqarsinnaasumik.

Apeqqarissaarnermi Ministeriunerup akissutaanut atatillugu Aaja Chemnitz Larsen (IA) ima oqarpoq: Illersornissamut isumaqatigiissummi 1951-meersumi Pituffimmi kiffartuussinissaq kalaallit-danskillu ingerlatissagaat ersarissumik peqqussutaavoq. Suliariumannittussarsiuussinermi kingullermi suliassaq tamanna amerikkarmiut ingerlatsiviannit isumagineqartussanngorpoq. Amerikkarmiut ingerlatsiviannit suliaq tiguneqalersinnagu nutaamik suliariumannittussarsiuussinissamut piffissaaruttoqalerpoq. Naak USA-lu isumaqatigiinniarnerit ingerlanneqaraluartut, Kalaallit Nunaannut iluanaarutaasussatut qulakkeerinnittumik naammassisaqartoqarsimannginnera Kalaallit Nunaannut annertuumik ajornartorsiortitsivoq.”

Aaja Chemnitz Larsen: ”Ministeriuneq Naalagaaffeqatigiinnut ministeriuvoq, taamaattumillu danskit naalakkersuisuisa, Naalakkersuisut Inatsisartuni amerlanerussuteqartunit tapersersorneqartut qanimut suleqatigalugit, politikkikkut uteriisernissaat apeqqutaalluinnartoq isumaqarpunga.”

Aaja Chemnitz Larsenip apeqqutigisai ilanngunneqartut atuakkit. Oqaatsit aninneqartut atuupput.

Apeqqarissaarneq uani, Folketingep TV-kkut onlineatigut, takuneqarsinnaavoq: http://www.ft.dk/webTV/Direkte.aspx

Attavissaq: Aaja.Larsen@ft.dk aamma +45 61624667.

Print Friendly