Navigate / search

Video: Savalimmiormiut makrellit pillugit IA-mit tapersersorneqarput

Folketingip Europami pisunut ataatsimiitsitaliaanit takusassiaq uani takuuk: Europa pillugu ataatsimiitsitaliami Sara Olsvig savalimmiormiorlu Aksel V. Johannesen (Javnadarflokkurin) Qallunaat naalakkersuisuisa EU Kommisionip Savalimmiut Islandilu mattussinnaanissaanut qinersinnginnissaat akerliuuffigaat. Savalimmiormiut IA Folketingimimit taperserorneqarput EU-p nunat mikisunut pillaassamaarnera pissusissamisoortinneqanngimmat. EU-p pisassiisutit nammineq aalajangertarpaa saniatigullu aalisarneq nungusaataanngitsumik pinersoq namminneq aalajangiiffigisarusullugu, tamannalu pissaaneqarnikkut nikingavoq. Suli EU-mi isumaqatigiinniarnerit ingerlapput.   Ataatsimiinneq apriilip […] Atuaruk

Partiimik MAS-mik boliviameersumik naapitsineq

Partiip MAS-p boliviameersup Christiansborgimi apriilip 18-ani 2012-mi SF-mut pulaarneranni Sara IA Nunarpullu pillugu oqalugiarnissamut qaaqqusaavoq. Partii MAS boliviami 2006-mili partiit annersaraat naalakkersuisuullutillu. Partiip siulittaasua Evo Morales maanna boliviami præsidentiuvoq. MAS-mit aallartitat tassaapput partiip siulersuisuineersut allallu politikkikkut suliallit.

WWF-p Issittoq pillugu isumasioqatigiisitsineranit

Isumasioqatigiisitsineq uani isiginnaarneqarsinnaavoq: http://www.wwf.dk/dk/Menu/Det+g%c3%b8r+WWF/Arktis/Arktisk+konference+2012+%232 Isumasioqatigiinneq WWF-mit aaqqissugaavoq. Isumasioqatigiinnermi Issittumi periarfissat unammillerfiillu pillugit oqallittoqarpoq. Sara nunanut allanut ministerimut Villy Søvndalimut apeqqutaa videomi 24:20 minutsinut killiffiup missaanni takuneqarsinnaavoq.