Navigate / search

Inuit Ataqatigiit Københavnimi kulturikkut unnussiuaaqatigiinnermi peqataaqqippoq

 

Inuit Ataqatigiit Folketingimi unnuk kulturisiorfimmi aaqqissuussisarnera ileqqunngornikuuvoq. Ukioq mannalu Danmarkimi Kalaallit Nunaat pillugu ilisimasaqarnerulernissaq sammisaavoq.

 

Ukioq manna unnuk kulturisiorfimmi Christiansborg-imi pulaartoqaqaaq tassanilu Inuit Ataqatigiit aamma takussaavoq. Partiip ukioq manna Operation Dagsværk, Inuusuttut Røde Korsiat aammalu Nunatta Qitornai aaqqissuusseqatigivai. Kalaallit Nunaat pillugu Danmarkimi ilisimasaqarfigineqarnerulernissaa tapersersorusullugu suleqatigiinneq pilersinneqarsimavoq. Unnuup ingerlanerani ilaatigut Kalaallit Nunaanniit aalisakkat raajallu misiliutit Royal Greenland-imiit tapiissutit sassaalliutigineqarput, filminik takutitsisoqarpoq kiisalu Naalagaaffeqatigiinneq pillugu ilinniartitsisoqalernissaq pillugu oqallittoqarpoq. Inuit Ataqatigiit Folketingimi ilaasortaatitaat kulturisiorfimmut oqallinnermullu peqataavoq.

 

Unnuk kulturisiorfik soqutiginartuaannarpoq Inuit Ataqatigiinniillu sapinngisamik ukiut tamaasa peqataaniartarpugut. Inuppassuit Christiansborg-imut takornariartarput taamaattumik pingaarutipparput Kalaallit Nunaat kalaallillu kulturiat pitsaasumik takutinnissaa. Ukioq manna Operation Dagsværk, Inuusuttut Røde Korsiat, Kalaallit Røde Korsiat avataaniit aaqqissueqataapput, Kalaallit Nunaallu pillugu ilisimasaqarnerulernissaq isummallu pigiliutiinnakkat millisarnissaat pillugit sulilluaqaat. Taamaattumik nuannaarutigeqaara suleqatigiilluta unnuk kulturisiorfik aaqqissorsimagatsigu.” Folketingimi ilaasortaq oqarpoq.

 

Unnuk kulturisiorfimmut atatillugu Christiansborgi takornariaqarnerpaat akornaniittarpoq, taamaattumik aamma partiit sinneri tamarmik aaqqissugaqartarput. Ukioq manna matut nal. 18 ammarput nal. 24 matullutik.

 

Print Friendly, PDF & Email