Navigate / search

Kalaallit Nunaanni Danmarkimilu angerlarsimaffeqanngitsuuneq oqallisigineqassaaq

Asseq: Sara Brandt Kronborg // Rådet for Socialt Udsatte

Pingasunngornermi novemberip 15-ani Inuit Ataqatigiit Folketingimi Kofoed Skole Nuummiittoq ilagalugu kalaallit angerlarsimaffeqanngitsut Kalaallit Nunaanniittut Danmarkimiittullu tappissumik samminiarpaat. Inuit Ataqatigiit Folketingimi Kofoed Skolelu Nuummiittup angerlarsimaffeqanngitsut, sulisut politikerillu innuttaasullu allat soqutiginnittut inunnut ataatsimiisitsinermut qaaqquaat Kalaallit Nunaanni Danmarkimilu angerlarsimaffeqanngitsuuneq unamminartoq annertusiartortorlu oqallisiginiarlugu.

Nuummi inunnut ataatsimiisitsineq sammisamut oqallinnermik kajumissaarivoq. Angerlarsimaffeqanngitsut unammillernartunik misigisartagaannut inerniliinissamut periarfissanik nassaarnissaq anguniarneqarpoq. Inunnut ataatsimiisitsineq saqqummiinernik naatsunik suleqatigiinnernillu ataatsimoortunik imaqassaaq, tassanilu sulisut, politikerit, angerlarsimaffeqanngitsut innuttaasullu allat soqutiginnittut ataatsimut angerlarsimaffeqanngitsunut suliniutinik iluaqutaasussanik oqalliseqatigiissapput. Inunnut ataatsimiisitsineq kinguneqartussamik isumaliornermik inerniliinissamillu aallaavilik ajornartorsiummut annertusiartortumut nakkutiginninnermik pilersitseqataasarpoq:

“Kalaallit Nunaanni angerlarsimaffeqanngitsut amerliartorput, taamatullu aamma kalaallit angerlarsimaffeqanngitsut Danmarkimiittut 7%-iusut inissisimallutik. Politikkikkut suliniutit assigiinngitsut aallarnerneqarnikuupput, tamattaallutali ikioqatigiikkutta angusaqarnerusinnaavugut. Taamaammat uanga Kofoed Skole Nuummiittoq ilagalugu inunnut ataatsimiisitsineq aaqqissorpara ajornartorsiummut nakkutigisitsiniarlunga oqallitsitsiniarlungalu”, Aaja Chemnitz Larseni Nuummi inunnut ataatsimiisitsinerup tungaanut oqaaseqarpoq.

Inunnut ataatsimiisitsinermi sammineqartut tassaapput qanoq inuiaqatigiittut ajunnginnerusumik angerlarsimaffeqanngitsuuneq pinaveersaartissinnaaneripput, qanoq angerlarsimaffeqanngitsut inuuneranni ajunnginnerusumik tapersersorsinnaanerigut qanorlu Kalaallit Nunaanni Danmarkimilu kalaallit angerlarsimaffeqanngitsut amerliartorneri iliuseqarfigissanerigut. Angerlarsimaffeqanngitsuuneq pillugu tamakku eqqartorneqarpata neriuutigaarput ilaasut ataatsimut suliniutaat politikkikkut ingerlaqqissasut.

Inunnut ataatsimiisitsineq innuttaasunut soqutiginnittunut ammavoq novemberip 15-ani nal. 19-21 Kofoed Skolep kantiinaani Industrivej 2A-mi.

Print Friendly, PDF & Email