Navigate / search

Inuusuttut siunissarlu pillugu katinngarmik piumassuseqqortunermillu peqartariaqarpugut

Inuit Ataqatigiit Folketingimi ullumikkut dagsværkerimik pulaartoqarput. Dagsværkeri tassaavoq inuusuttut ilinniarfianni ilinniartoq ukiumullu Operation Dagsværk-imi ulloq ataaseq ajunngitsuliorluni iluarsartuullugu pilersaarusiamut katersuiniarluni sulisuusartoq.

Inuit Ataqatigiinni Folketingimi Dagsværkerdag-i dagsværkeritut sulisumut Folketingimi sulinermut paasisaqarfiuvoq Kalaallit Nunaannillu tassanilu inuusuttunik najugaqartunik ilinniarnermik immikkut paasisaqarfiulluni. Kalaallit Nunaat Naalagaaffeqatigiinni ilaavoq namminersorlunilu, sulili suliassat ataasiakkaat Danmarkimi ingerlanneqartarlutik, taamaammallu Inuit Ataqatigiit Folketingimit Danmarkimi politikkimi sunneeqataaneq ingerlatissallugu pingaaruteqarluni. Dagsværkerdag-i pillugu ilinniarnertuunngorniartoq Victoria Bloch Blytt Sandstad-i ima oqarpoq:

”Uanga isumaqarpunga Dagsværker-itut ullumikkut sulineq pissanganarluinnarlunilu pissarsiaqarfiulluarsimasoq Inuit Ataqatigiit Folketingimi folketingimi ilaasortatut sulinermi paasisaqarfiulluni, soorlu aamma Kalaallit Nunaat pillugu paasisaqarlunga aamma Kalaallit Nunaanni inuusuttut periarfissai pillugit paasisaqarlunga.”

Ullup ingerlanerani dagsværkertoq kalaallit inuusuttut Danmarkimi periarfissaat pillugit ataatsimiinnermi ilaavoq. Kalaallit inuusuttut siunissaminnut ingerlaartut suut aqqusaagassarineraat suullu aporfigisarneraat pillugit isiginneriaatsit assigiinngitsut pivai pingaartumillu inuusuttut Danmarkimut ingerlaqqittartut paasisaqarfigalugit.

Operation Dagsværk-imi ukioq manna iluarsartuullugu pilersaarusiaq Kalaallit Nunaat pillugu maanna ingerlanneqaleruttorpoq. Ungdommens Røde Kors-i aamma Kalaallit Røde Korsiata iluarsartuullugu pilersaarusiaq ilusilersornikuuaat kalaallillu inuusuttut atugarissaarnissaat inuulluataarnissaallu anguniarpaat, tassanilu ilinniarnerup iluani inooqatigiinni sanaartugassani suliassinneqartartutut ingerlaarnissaat SPRINT-i aqqutigalugu suliaralugu. Kinguaariit taakku siunissamut takorluukkatik piumassusertillu angunissaat anguniarneqarpoq.

Qallunaat inuusuttut akornanni piumassuseq annertoqaaq nammineerlutillu imminnut allanullu iliuuseqarususseqartarlutik.

Operation Dagsværk-i Danmarkimi nunarsuaq tamakkerlugu atuartuni oqaatsit uku atorlugit ingerlaartuuvoq: Paasissutissiineq – Isummerfiginninneq – Iliuuseqarneq.

Paasissutissiineq, isummerfiginninneq iliuuseqarnerlu tassa Inuit Ataqatigiit Folketingimit Kalaallit Nunaata siunissaanut nukittorsaataasinnaaneri upperineqarput, taakkununngalu kalaallit inuusuttut ilaallutik.

Print Friendly, PDF & Email