Navigate / search

Inuit Ataqatigiit Folketingimi nunatsinni inuttaasunik ataatsimiisitsinissanut qaaqqusipput

Inuit Ataqatigiit Folketingimi nunatsinni inuttaasunik ataatsimiisitsinissanut qaaqqusipput
Inuit Ataqatigiit Folketingimi nunatsinni inuttaasunik ataatsimiisitsinissanut qaaqqusipput

Sapaatip akunnera kigulleq folketingip inersuani naggataarutaasumik oqallittoqareersorlu folketingip ukiua 2015-2016 naangajalerpoq. Upernariartornera ulapaarfiusimaqisoq inatsisissatut siunnersuutinik inersuarmilu oqallinnerpassuarnik ilallip kigorna, folketingimi ilaasortaq Aaja Chemnitz Larsen (IA) maanna folketingimi sulineq pillugu nunatsinni innuttaasunik ataatsimiisitsinissanut qaaqqusivoq.

Angalaneq siulleq Nuummut ingerlassaaq. Tassanilu IA Folketingimi nuummi IA-p immikkoortortaqarfia suleqatigalugu ammasumik oqalliseqatigiinnissamut qaaqqusivoq Juunip 8-ni nal. 16.30 Atuarfik Ukaliusami. Oqallinnermi Folketingip Kalaallit Nunaannut issittorlu pillugu suliai oqallisigineqassapput. Nuummi oqallinnermi IA-p siulittaasua Sara Olsvig Inuit Ataqatigiit suliai pillugit aammalu partiip anguniagaanut folketingimi sulineq qanoq isumaqarnersoq saqqummiullugit ilanngussissaaq.

Nuummi ataatsimiinnerup saniatigut ulluni tulliuttuni sisamani illoqarfinni ukunani innuttaasunik ataatsimiisitsisoqassaaq: Qaqortumi, Narsami kiisalu Narsarsuarmi.

”Folketingimi sulineq suunersoq oqaluttuarinissaanut qilanaarpunga, kiisalu inuit piffinni assigiinngitsuni najugallit suut soqutigineraat tusassallugit. Tusagassakka folketingimi suliassannut aggersuni assut pingaarutilimmik immersueqataassapput”. Taamak Aaja Chemnitz Larsen ataatsimiisitsinissat pillugit oqarpoq.

Ukiup ingerlanerani IA Folketingimi avannaani innuttaasunik ataatsimiisitsinissamut pilersaaruteqarpoq. Aaja Chemnitz Larsen aasap naajartornerani illoqarfippaalugit nunatsinni angalaassavai folketingimi folketingip Kalaallit Nunaat pillugu ataatsimiititaliaa, Inatsisinut ataatsimiititaliaa, Illersornissamullu ataasimiititaliaa paasisassarsiorlutik angalanissaannut atatillugu.

IA Folketingimi innuttaasunik ataatsimiisitsinissamut pilersaarutaa, juuni 2016:

Nuuk: pingasunngorneq juunip 8-at nal. 16.30 Atuarfik Ukaliusami

Facebook: https://www.facebook.com/events/242632819442213/

Qaqortoq: sisamanngorneq juunip 9-at, nal. 16.30 Niuernermik Ilinniarfiup inersuaani

Facebook: https://www.facebook.com/events/286139721731135/

Narsaq: sapaat juuni 12-at, nal. 14.00 i Katersortarfimmi

Facebook: https://www.facebook.com/events/481342928729469/

Narsarsuaq: ataasinngorneq 13. juunip 13-iat, nal. 13.30 ’Klubben Narsarsuaq’-mi

Facebook: https://www.facebook.com/events/1723194287953875/

Attavissaq: Aaja.Larsen@ft.dk imaluunniit mobil: +45 61624667.

Print Friendly, PDF & Email