Navigate / search

Praktikki

Asseq: Inuit Ataqatigiit Folketingimi

Folketingimi praktikkilerit

Inuiaqatigiinni pissutsinut politikkimullu soqutiginnippit? Nunani issittuni, Danmarkimi Kalaallit Nunaannilu pissutsinut soqutigisaqarpit? Folketingimilu politikkikkut savituumik ingerlaartut paasisaqarfiginerorusuppigit? Taamaappat immaqa Inuit Ataqatigiinni Folketingimi praktikkernissat ilinnut tulluarsimassaaq.

Ukiut affakkaarlugit, universitet-imi semesterimi ataatsimi, Inuit Ataqatigiit Folketingimi ilinniagartuutut praktikkertussanik ujaarlertarpoq. Folketingimi ilaasortat allaffeqarfimmilu suleqataasut allat ilagalugit praktikkertutta Folketingimi Kalaallit Nunaat ullormut oqaluuserisassatut inissittarpaat nunallu assigiinngitsunut aamma malunnartinniartarlugu. Uagutsinni praktikkeruit paasisassarsiornermit pisussanut pilersaarusiornernut ilaasinnaavutit politikki inatsisartullu suliaanut tunngasut qanillisinnaallugit ataatsimiinnernullu pissanganartunut ministerinit ilaaffigineqartunut ataatsimiititalianullu ilaasinnaallutit. Saniatigut sukkasuumik pisariaqartoqartillugu sulisinnaanissat naatsorsuutigaarput ilinniarfinnilu piginnaaneqarfitit atornissaat naatsorsuutigalugit suliassamerngillu suliarinissaannut piumassuseqarnissat aamma naatsorsuutigalugu. Uagutsinni praktikkertutut suliassanik assigiinngitsunik suliaqartassaatit saniatigullu suliappit sunniutaanik paasitinneqartassallutit siunnersoqateqartassallutillu.

Isumaqaruit ilinnut tulluartoq naia@ft.dk -mut allassinnaavutit praktikkernissarlu tamakkiisumik paasisaqarfiginerullugu.



Inooqatigiit pissusaannut politikkimullu soqutiginnippit? Nunani avannarlerni, Danmarkimi Kalaallit Nunaannilu pissutsit soqutigisaraagit? Folketingimilu politikkikkut ingerlaartut allanngorartut ilinniarusuppigit?
Taamaappat Inuit Ataqatigiinni Folketingimi upernaami 2018-imi ilinniagartuutut praktikkernissannut periarfissaqarputit!

Sumi? Christiansborgimi, Inuit Ataqatigiit Folketingimi.
Qaqugu? aggustip naaneranit 2018-mit januaarip naaneranut 2019-mut

Neqeroorutigaagut…
Inuit Ataqatigiit Folketingimi politikkimut atassuteqartut assigiinngitsut Kalaallit Nunaannut, Danmarkimut Issittumullu pingaaruteqartut sammisarivagut. Tassa nunanut allanut illersornissamullu politikkimut, inuussutissarsiornikkut ineriartortitsinermut, inatsisinik atuutsitsinermut kiisalu ilinniagaqartut atugaannut il.il. tunngasunik sammisaqartarpugut.

Uagutsinni suliffimmik misileraaninni Folketingimi politikkikkut suleriaaseq pissanganartoq qanimut malinnaavigissavat, politikkikkut, inatsisartutigut attaveqaqatigiinnermullu tunngasutigut suliaqarnikkut misilittagaqarlualissallutit.

Folketingi suliffimmik misileraaffissatut pissanganartuullunilu ilinniagaqarnartuulluarpoq, piginnaasavit ineriartortinnissaannut periarfissaqarluassaatit. Politikkikkut ataatsimiinnerni peqataasassaatit, aaqqissuussani assigiinngitsuni peqataasarlutit, allaffeqarfimmilu suleqatigiilluarnermik sulinerullu nalaani pitsaasunik atugassaqartitsinissamik pingaartitsisumi suleqataassaatit.

Praktikkernermi suliassat: Ilinniagartuutut praktikkerninni suliappit pingaarnerit ilagissavaat paasisassarsiornerit, misissueqqissaarnerit Aaja Chemnitz Larsen-illu politikkikkut suliaanik ilungersuussaanillu ingerlateqqiinissaq. Taakku saniatigut allaffeqarfimmi ulluinnarni sulianut ikiuuttassaatit ass. ataatsimiinnissanut piareersarnerni pisussanullu piareersarnerni. Politikkimut, attaveqaqatigiinnermut inooqatigiillu pissusaannut soqutiginninnissat naatsorsuutigaarput namminersortumillu eqeersimaartumillu  sulinissat naatsorsuutigalugu. Saniatigut suliffeqarfimmik uummaarissumik suleqatigiinnermut, attaveqaqatigiinnermut sulianullu pikkorissusermik pingaartitsinerput tunniussinnaavarput.

Praktikkerneq akissarsiassartaqanngilaq sulinerlu sap. akunneranut 35 tiimit miss. annertussuseqassalluni. Sulinissaq allaffeqarfimmi pisortap aaqqissuuttassavaa tamassinnullu nikerartumik sulisinnaanissinnik pisariaqartitsisoqassalluni. Praktikkerfissaq januaarip naaneranit 2018-mit juunip naaneranut 2018-mut sivisussuseqassaaq naatsorsuutigaarpullu praktikkernerit ilinniarninni merit-imik pissarsiffissaasinnaassasoq (ECTS) ilinniarnermilu ikiorsiissutinik pisartagaqarsinnaanerit naatsorsuutigaarput. Piffissap ingerlanerani sulinerit nalilerneqartassaaq ingerlaartumillu nalilersorneqassalluni.

Qinnuteqaat
Qinnuteqaammik naatsumik, CV-mik, inassuteqaatinik, karakterinik uunga nassiussigit: Jens.Heinrich@ft.dk kingusinnerpaamik marlunngorneq maajip aallaqqaataat 2018. Qinnuteqaat ”Praktikant”-imik atserneqassaaq. Oqaloqatigiinnerit sap. ak. 18-mi aamma 19-mi ingerlanneqarnissaat naatsorsuutigineqarpoq.

Apeqqutissaqaruit politikkikkut siunnersuisoq Jens Heinrich-imut saffiginninnissannut tikilluaqqusaavutit, +45 61623005

Print Friendly, PDF & Email