Navigate / search

Inatsisitigut ataataqanngitsut pillugit aammaarluni paasisitsiniaasoqassaaq

Inatsisitigut ataataqanngitsut pillugit aammaarluni paasisitsiniaasoqassaaq
Inatsisitigut ataataqanngitsut pillugit aammaarluni paasisitsiniaasoqassaaq

Folketingimi ilaasortap Aaja Chemnitz Larsenip, Inuit Ataqatigiit, danskit inunnik isumaginninnermut ministeriat Karen Ellemann inatsisitigut atataqanngitsut pillugit arlariinnik apeqquteqarfiginikuuaa. Ministeri akissummini ilisimatitsivoq inatsisitigut ataaqanngitsut pillugit aammaarluni paasisitsiniaasoqassasoq aammalu pissutsit arlarlit qulaajaaffigineqassasut.

Inunnik isumaginninnermut ministeri folketingimi ilaasortamut akissuteqarnermini oqaatigaa, maannamut inuit 44-t saaffiginnissuteqarsimasut, inatsisitigut ataataqanngitsuunertik pillugu eqqartuussiviit aqqutigalugit suliaqartsitsisunik. Suleqatigiisitamik pilersitsisoqarsimavoq suliamik malittarinnittussanik taakkulu kajumissaarutigisimavaat aammaarluni paasisitsiniaasoqassasoq.

Aaja Chemnitz Larsen: ”Nuannaarutigaara inunnik isumaginninnermut ministerip akissuteqaatimini arlalinnik suliniuteqartoqassamaarnera ilisimatitsissutigimmagu, tassalu upernaamut aammaarluni paasisitsiniaasoqassasoq aammalu inatsisitigut ataataqanngitsut pillugit pingaarutitillit arlariit qulaajarneqasasut. Ilaatigut pineqarpoq inatsisitigut ataataqanngitsut ullumikkut inuusut qassiunersut.”

Inatsisitigut ataataqanngitsut pillugit inatsisip nalilersuiffigineqarnissaa ministerip qulakkeerusuppaa, maanna juni 2014-imi atuutilersinneqarfimminit ukiut pingasut qaangiussimalermata, minnerunngitsumillu inatsisitigut ataataqanngitsutut inissisimanerup inuttut qanoq sunniuteqarsimaneranik qulaajaasoqarnissaa. Inatsisitigut ataataqanngitsut tassaapput inuit Meeqqat pillugit Inatsisip 1962-imi atuutilernerata siornatigut inuusimasut.

Uani apeqqut akissullu aaneqarsinnaapput:

http://www.ft.dk/samling/20151/almdel/gru/spm/14/svar/1296476/1595074.pdf

Print Friendly, PDF & Email