Navigate / search

Danmarkimi inuiattut ullorsiorneq: Aajap ajunaarsimasut eqqaaniarpai eqqugaasullu misigeqatigalugit

Asseq: Inuit Ataqatigiit Folketingimi

Kalaallit Inuiattut ullorsiorfiat nalinginnaasumik nalliuttorsiorfiusarpoq, ukiormannali nalliuttorsiorneq allaaneruvoq. Nuugaatsiami ajunaarnersuaq Kalaallit Nunaanni innuttaasunik tamanik attuivoq, tamannalu pillugu Kalaallit Nunaanni Danmarkimilu erfalasut qiteqqunneqarput. Inuit Ataqatigiit Folketingimi ilaasortaatitaata Aaja Chemnitz Larsenip ukiormanna Aarhusimi inuiattut ullorsiorfik ammarpaa, tassanilu Kalaallit Illuat aammalu VIA University College annertuumik aaqqissueqatigiissimapput.

Aarhusimi aaqqissuussinermi nukittussuseq kalaallit kulturianneersoq qulequtarineqarpoq. Aajallu ammaanini aallarnerlugu ajunaarsimasut eqqaaniarlugit eqqugaasullu misigeqatigalugit minutsimi ataatsimi nipaallisimatitsivoq, oqalugiarnerminilu ima oqaaseqarluni: ”Ulluni kingullerni ataqatigiilluarnermut misigisatsinnut qujanaq. Tamanna aliasunnitsinni toqqissisimassutigaarput, ataatsimoornerpullu nukittoqqutigaarput.”

Folketingimi ilaasortaq oqaaseqareermat Aarhusip borgmesteria, Jacob Bundsgaard (S) kiisalu Inatsisartuni ilaasortaq Randi Vestergaard Evaldsen (D) oqaaseqarput.

Aaja Chemnitz Larsenip oqalugiaataa uani atuaruk:

Inuiattut nalliuttorsiorfimmi oqalugiaat 2017

Print Friendly, PDF & Email