Navigate / search

Issittumi sillimaniarnikkut suleqatigiilluni annertunerusumik iliuuseqarnissaq

Sara Olsvig-ip (IA) folketing-ip ukiarmi sulilerneraniit Issittumi naalagaaffiit akornanni annertunerusumik suleqatigiinnissaq ilungersuutigisimavaa. Massakkullu Issittup imartaanut tunngatillugu sillimaniarnikkut upalungaarsimanikkullu politikikkut annertuumik pisoqalinnguatsiarpoq. Danmark-imi nunanut allanut ministeriata, qanittukkullu ministeriunerup USA-milu naalakkersuisut apeqqut taanna toqqaannartumik oqallisigisimavaat. Sara Olsvig-ip (IA) naalagaaffiit Issittumiittut suleqatigiinneranni Issittumi isumannaannerunissaq qitiutinneqartariaqartoq 2011-mi november-imi folketing-ip oqaluttarfianiit oqalugiarnermini erseqqissarpaa. Oqaaseqaat taanna naalakkersuisut Issittumi suleqatigiinneq pillugu nassuiaateqarnerannut […] Atuaruk

Sara Olsvig aamma Nunanut Allanut Ministeri Villy Søvndahl nunarput Issittorlu pillugit qanimut oqaloqatiiipput

Nunanut Allanut Ministerinngorlaatut Villy Søvndahl-ip folketing-imi ilaasortanngortut Atlantikup avannaaneersut saamerlernut atasut siuliminut naleqqiulluni attaveqarfiginerunissaat kissaatigisimavaa. Ullumi naalakkersuisunngortut Atlantikup avaannaa Issittorlu pillugit politikeqarnerat pillugu ilisimatitsinermi peqataanerani aappassaaneerluni Nunanut Allanut Ministeriaqarfimmi Sara Olsvig ataatsimeeqatigaa. Oqaluuserisat pingaarnerit pingasuupput; Kunngeqarfiup Issittoq pillugu iliuusissai, nunani avannarlerni suleqatigiinneq kiisalu CIA-p timmisartuisa qanoq ingerlasarsimanerat pillugu misissuinissamut aalajangiuteqqammigaq. “Nunanut Allanut Ministerip nuannaarutiginerarpaa danskit […] Atuaruk

Sara Olsvig (IA) Issittumi inatsusartuni ilaasortaat ataatsimiititaliaanni (SCPAR) folketing-ip sinniisaattut taaguuteqalerpoq. Ilaasortaaffik siornatigut Juliane Henningsen-imit inuttalerneqarsimasoq

Ullumikkut paasinarsivoq Sara Olsvig (IA) Issittumi inatsisartuni ilaasortat ataatsimiititaliaanni (SCPAR) ilaasortanngortoq. Taamaalilluni Juliane Henningsen-ip ilaasortaasimanera Sara Olsvig-ip nangippaa, taamatullu ataatsimiititaliami folketing-i tamakkiisumik sinniisuuffigisassanngorlugu, aammalu piffissami massumani Issittup taama alaatsinaanneqartiginerani Issittumi suleqatigiinnermi oqartussaaqataleerluni. “SCPAR-imi folketing-ip sinnisaatut inissinnera tulluusimaarutigaara. Tassatuaavormi folketing-ip iluani Issittumut tunngassuteqartoq, taamaammallu uannut naleqquttuulluuni. Issittumi suleqatigiinneq qanimut malinnaaffigisinnaassavara, aammalu Issittumi ineriartornermut atatillugu Issittumi innuttaasunut […] Atuaruk

Sara Olsvig qinikkatut folketingimi ammaanersiornermut siullerpaamik peqataavoq

Folketingimut qinigaarlaaq Sara Olsvig ullumikkut Folketingip ammaanersiornerani peqataavoq. Ullaap tungaa Christiansborg Slotskirkemi naalagiartoqarpoq kingornalu Statsministerinngorlaap oqalugiarnera malinnaavigineqarluni.   Ammaanersiorneq naammassimmat Sara Olsvig, IA, aamma Sjurdur Skaale, Javnadarflokkurin, ilasseqatigiinnermut qaaqqusipput Savalimmiormiut Folketingimut ilaasortaasa aappaat Edmund Joensen, Nunattalu ilaasortaata aappaa Doris Jakobsen peqataaffigisaannik. Savalimmiuni Naalakkersuisut siulittaasuat Lagmand Kaj Leo Johannesen aammattaaq ilasseqatigiinnermut peqataavoq.   ”Nuannaarutigaara folketingip ammaanersiornera […] Atuaruk