Navigate / search

Angajoqqaatut akisussaanerit pineqartillugit assigiinngisitsineq Naalakkersuisuni qaqinniarneqarpoq

Foto: Inuit Ataqatigiit Folketingimi

Naalagaaffimmi ingerlasitsivimmiit angajoqqaanut katerisimaaqatigiinnissamut suliassanik suliaqaraangamik angajoqqaat angajoqqaanut inatsimmit ataatsimiinnissamut ilaasussatut peqquneqartarput. Naalagaaffimmi ingerlatsivimmut ataatsimiigiarnissaq isumaliortaatsimut naleqquttunut tunngatillugu aningaasaqarnermullu tunngatillugu unammillernartoqartarpoq angajoqqaajusup aappaa Kalaallit Nunaanni najugaqartillugu. Folketingimi ilaasortap Aaja Chemnitz Larsenip tamanna pillugu meeqqanut- isumaginninnermullu ministeri Mai Mercado februarimi aperaa naalakkersuisut ajornartorsiut taanna qanoq isummerfigineraat tusarumallugu.

 Ullutsinni angajoqqaat sumiiffii allatut ajornartumik assigiittariaqanngillat eqqartuussisutigoortumilli assigiimmik suliarineqarnissaat unamminartortaqalersitsisarpoq: “Inooqatigiinni naliginnaasunngornikuuvoq angajoqqaat illoqarfeqatigiinnatik, nunaqarfeqatigiinnatik nunaqqatigiinnatillu inissisimaneri. Ass. aamma anaanaasoq Danmarkimiikkaangat ataataasorlu Kalaallit Nunaanniilluni. Taamaattoqartillugu isumaqarpunga eqqartuussisutigoortumik tunngaviusumik angajoqqaat tamarmik meerarlu tusaaneqassasut”, Aaja Chemnitz Larseni oqarpoq.

Ministerimit Aaja Chemnitz Larsenip ullumi tigusaanit takuneqarsinnaavoq Naalagaaffimmit ingerlatsivimmit Kalaallit Nunaanni Naalagaaffiup Sinniisoqarfiannut attaveqarsimasoq Naalagaaffiup Sinniisoqarfianit Naalagaaffiup ingerlatsivianut videukkut ataatsimiisitsisinnaanissanut periarfissat paasiniarlugit. Teknologii mutiusoq videukkullu ataatsimiisitsinerit attaveqaatit ajunngitsut aqqutigalugit angajoqqaajusunut allannguutaasinnaassaqaat – piffissarlu sivisunerusoq eqqarsaatigalugu meeqqap pisariaqartitaanut iluaqutaassallutik: “Ullutsinni akisullunilu ajornartarpoq angajoqqaajusoq Kalaallit Nunaanniikkaangat. Taamaammat nuannaarutigaara Naalagaaffiup ingerlatsiviannit Naalagaaffiullu Sinniisoqarfiannit teknologiikkut periarfissat nutaat paasiniarneqalermata. Tamanna neriuppunga angajoqqaanut amerlanernut angajoqqaatut akisussaassusermut suliani oqaaseqarsinnaanerulernissaannik kinguneqassasoq”, folketingimi ilaasortap Aaja Chemnitz Larsenip oqaatigaa.

Folketingimi ilaasortap apeqqutai ministerillu akissutai Naalagaaffiup ingerlatsiviani sulisaatsit pillugit eqqartugaat uani takukkit:

http://www.ft.dk/samling/20171/almdel/GRU/spm/40/1853336.pdf aamma

http://www.ft.dk/samling/20171/almdel/gru/spm/40/svar/1470066/1863388.pdf

Print Friendly, PDF & Email