Navigate / search

Aajap kalaallit Danmarkimiittut ukiortaami ilassinninnissamut qaaqquai

 

 

 

Aaja Chemnitz Larsen, Inuit Ataqatigiit, kalaallit Danmarkimiittut tamarmik Christiansborgimut ukiortaami ilassinninnissamut qaaqquai. Ilassinninnissaq 7. januar nal. 17.00-18.30 pissaaq. Ukiortaami ilassinninneq kalaallit Danmarkimiittunut katersuuffiuvoq nutaaq, ersoqatigiinneq ataqatigiinnerlu siunertaalluni.

 

Aaja Chemnitz Larsen Christiansborgimut matut ammarunigit nunaqqatiminut ukiortaami ilassinninnissamut, Kalaallit Danmarkimiittut tamarmik tikilluaqqusaassapput. Kikkut tamarmik – qanorluunniit tunuliaqutaqaraluarunik – peqataasinnaapput. Aaja aallaqqaammut tikilluaqqusissaaq ukiorlu qaangiussimasoq kingumut qiviarlugu, minnerunngitsumillu aamma 2019-imi kalaallit Danmarkimiittunut politikkikkut anguniagassarisassat takorluussallugit. Ilassinninnermi erinarsoqatigiit Aavaat tussiarumaarput tamulugassaqarumaarlunilu.

Ukiortaami ilassinninnissaq kalaallit Danmarkimiittut akornanni katersuunnissaq ataqatigiinnissarlu siunertarivaa. Saniatigut aamma kalaallit Danmarkimiittut politikkikkut suliffeqarfigit takussavaat paasisaqarfigalugulu, Aaja Chemnitz Larsenilu Kalaallit Nunaat Christiansborgimi sulinera ilisimasaqarfiginerulissallugu.

 

Aaja Chemnitz Larsen isumaqarpoq kalaallit Danmarkimiittut Folketingimi sulineq pillugu qanimut misigisinnaanissaat pingaaruteqartoq paasisaqarfiginerusinnaassagaallu qanoq isumaqarnersoq Kalaallit Nunaat sinnerlugu Folketingimi sulineq. Innuttat qanillugit politikkikkut sulinermipingaaruteqarpoq inuit qanimut naapinnissai tusarnaarsinnaanerlu.

 

Peqataaniarnermut nalunaarneq naia@ft.dk-mut nassiunneqassaaq kingusinnerpaamik januarip pingajuani 2019.

Ilisimatitsissutigineqarpoq ukiortaami ilassinninnissamut inissat killeqarmata peqataaniarnermullu nalunaarnerit siulliit inissaqarumaarmata. Aammattaaq ilisimatitsissutigineqarpoq peqataaniarnermut nalunaarnerit taamaallaat mailimut taaneqartumut nassiunneqartut atuutissammata. Nalunaarnerit akineqarumaarput Christiansborgimut iserniarnissamut paasissutissanik.

Print Friendly, PDF & Email