Navigate / search

Aaja Chemnitz Larsenip Islandimi sapaatip-akunnera issittunik sammisaqarfiusoq aallarnerpaa

Asseq: NASA

Reykjavikimi sapaatip-akunnera una issittormiunik sammisaqarfiuvoq tassaasoq issittuni inatsisartut ataatsimiititaliaasa naapiffiat ukiumullu issittuni ataatsimiinneq, Arctic Circle, naggasiutaassaaq. Folketingimi ilaasortaq, Aaja Chemnitz Larsen (IA), pingasunngorpat Islandimut issittut pillugit sammisassani marlunni ilaajartorluni aallassaaq. Ilaanermi Kalaallit Nunaat issittut sammineqartillugit politikkikkut ilanngunneqarnissaa anguniarneqassaaq takornariaqarnermilu Kalaallit Nunaata inuussutissarsiutini ilippanarsarnissaa qulakkeerniarneqarluni.

”Kalaallit Nunaat issittuni pingaaruteqartorujussuuvoq. Issittuni ataatsimiititaliami Kalaallit Nunaat naalagaaffeqatigiinnerullu soqutigisaat isumagineqarnissaat pingaaruteqarput, soorlu aamma issittuni ataatsimiinnermi pingaarnerpaami, Arctic Circle-mi, pingaartinneqarnissai pingaaruteqarlutik. Issittuni nunani assigiinngitsuni suleqateqarneq Kalaallit Nunaannut nunanut allanut inuussutissarsiutinilu soqutigisanut najummissuisuuvoq”, Aaja Chemnitz Larseni Islandimi ullunut takkuttussanut ilimasuutini pillugit oqarpoq.

Issittuni ataatsimiititaliani ataatsimiinneq

Folketingimit ataatsimiititaliamut sinniisutut Aaja Chemnitz Larsenip inissisimanini aqqutigalugu issittuni nunaneersunik inatsisartunut ilaasortat naapissavai. Majimi ataatsimiititaliap naapinneranni Kalaallit Nunaanni ingerlanneqartumi Folketingi qaaqqusisuuvoq. Maanna Islandi qaaqqusivoq.

Ulluni tullerni issittuni ataatsimiititaliap Islandimi udenrigsministeri Gudlaugur Thór Thórdarsoni pisussat ilaanni nereqatigissavaat, soorlu aamma ataatsimiititaliap nunarsuup kiatsikkiartornerani Islandimut sunniutaasut tusassallugit qanorlu Islandip nunap kissassusaanit nukiit nukinnut isumalluutinngortinneqarsinnaanersut tusassallugit.

Arctic Circle-mi ataatsimiinneq

Ukiumut Arctic Circle-mi ataatsimiinnermi Folketingip issittuni suleqatigiivi issittuni Atlantikup avannarpasittuaniittuni takornariaqarnermut ilippanartuuneq pisumi sammineqarnerani oqallissaarutigineqassaaq. Aaja Chemnitz Larsenip takornariaqarnermut ilippanartut pillugit tunu immikkut eqqartorneqarnissaa kissaatigisimavaa taassumallu kinguneranik Folketingimit issittuni suleqatigiit Arctic Wonderland qaaqqusimallugu suleqatigiit pisussanut qupperneranni Arctic Circle-mi oqalugiaqqullugit. Savalimmiunit aamma Islandimit takornariaqarnermi inuussutissutissarsiornermit sinniisut ilaassapput.

”Kalaallit Nunaanni takornariaqarnermi ilippanarsaassagutta nunanit Avannaamioqatigiit killiinit ass. Islandimit misilittakkanik tigooraassaagut, ass. aamma Islandimi ukiut kingullerni takornariaqarneq qaffannikuuvoq. Tunumi nalunngilarput Islandi aqqutigalugu takornarianik amerlasuunik tikittoqartartoq taamaammallu takornariaqarneq Kalaallit Nunaanni qaffassassagaanni suleqatigiinneq annertusarneqarsinnaassanersoq soqutiginarpoq”, Aaja Chemnitz Larsen oqarpoq.

Ataatsimiinnermi folketingimi ilaasortap “Arctic sealing: threat or blue prospect” North Atlantic Marine Mammal Commission (NAMMCO)-mit aaqqissuunneqartoq oqalliffiusoq aamma ilaaffigissavaa.

Print Friendly, PDF & Email