Navigate / search

Aaja Chemnitz Larsen

Aaja C. Larsen
Aaja C. Larsen

Aaja C. Larsen

Inuit Ataqatigiit sinnerlugit Folketingimi ilaasortaq

18. juni 2015-imi qinersinermi Aaja Chemnitz Larsen Inuit Ataqatigiit sinnerlugit Folketingimi ilaasortanngorpoq.

Tunuliaqutaa:

Aaja Chemnitz Larsen Ilisimatusarfimmi cand. scient. adm.-itut ilinniagaqarpoq, INSEAD-imilu pisortatut ilinniagaqarluni. Aaja Inatsisartunut november 2014-imi qinersisoqarneraniit Inatsisartunut ilaasortaalerpoq massakkut sulinngiffeqarfigilersimasaminit Folketingimut ilaasortanngorsimanini pillugu. 2012-miillu 2015-imut Meeqqat Illersuisuattut atorfeqarluni. 2009-miit 2012-imut Aaja aammattaaq Kommuneqarfik Sermersuumi Isumaginninnermut Ingerlatsivimmi pisortaasimavoq. Tamanna sioqqutitsiarlugu Aaja Naalagaaffiit Peqatigiit New Yorkimi isumaginninnermut aningaasaqarnermullu immikkoortortaqarfianni sulivoq, nunat inoqqaavisa pisinnaatitaaffiinik suliaqarluni.

Aaja Inatsisitigut Siunnersuisarfimmi IKIU-mi siulersuisunut ilaasortaavoq, 2013-2014-imi Tele-Post A/S-imi siulersuisunut ilaasortaalluni aamma 2012-imiit 2014-imut Kalaallit Nunaata Inuit Pisinnaatitaaffii pillugit Siunnersuisoqatigiivini siulersuisunut ilaasortaasinnarluni, siulittaasumullu tullioriarluni siulittaasunngorluni. Tamatuma saniatigut Aaja Naatsorsueqqissaartarfimmi siulersusunut ilaasortaavoq 2012-imiit 2014-imut, 2012-imiit 2014-imut Transparency Greenlandimi siulittaasup tulliulluni kingornalu siulersuisunut ilaasortaalluni, 2011-2013-imi Great Greenlandi A/S-ip siulersuisuinut ilaasortaavoq, kiisalu 2008-2009-mi aamma 2012-imi Meeqqat Inuunerissut siulersuisuini siulittaasuulluni.

Ataatsimiititaliaanut ilaasortaaffiit

Ilaasortaaffiit:

Kalaallit Nunaat pillugu Ataatsimiitsitaliaq

Illersornissamut ataatsimiitsitaliaq

Eqqartuussinermut Ataatsimiitsitaliaq

Sinniisuuffiit:

Europap Siunnersuisoqatigiivi

Nunat Avannarliit Siunnersuisoqatigiivi

Nunanut allanut politikkimi ataatsimiitsitaliaq

Attavissaq: Aaja Chemnitz Larsen, e-mail: aaja.larsen@ft.dk

Print Friendly