Navigate / search

Praktikki

Asseq: Inuit Ataqatigiit Folketingimi

 

 

 

 

 

 

 

 

 

 

 

 

 

 

 

 

Folketingimi praktikkilerit
Inuusuttut suleqatigiit akornanni sulerusuppit suliffeqarfimmilu pissanganartumi sulillutit? Politikki soqutigaajuk imaluunniit paasisaqarfiginerorusuppiuk? Taamaappat ilinniagartuutut praktikkersinnaalerputit Inuit Ataqatigiinni Folketingimi upernaamit 2019-imit ingerlasussami!


Neqeroorutigisinnaasagut
Inuit Ataqatigiit Folketingimi suliffeqarfiuvoq allanngorarlunilu pissanganartuusoq ullullu assigiiaarneri akuttusuumik pisarput. Suliffeqarfimmi Kalaallit Nunaat sammisaraarput – tamannalu inuiaqatigiinni nunanilu assigiinngitsuni sulissutigalugu. Ilinniagartuutut praktikkerninni Folketingimi inatsisartut suliaannik immikkuullarissumik paasisaqarsinnaavutit, soorlu aamma Kalaallit Nunaanni Danmarkimilu politikkikkut pisuni malinnaasinnaanissannut periarfissaqarlutit.


Praktikkernermi suliassat
Ilinniarnertuutut praktikkerninni suliassatit pingaarnerit paasisassarsiornernik, misissueqqissaarnernik Aaja Chemnitz Larsenillu politikkikkut sulinerani suliai ilungersuussaalu ingerlateqqiinerinik suliaqassaatit. Taakku saniatigut ulluinnarni allaffeqarfimmi suliassat suliarissavatit, taakku akornanni ataatsimiinnernut pisussanullu piareersaasassallutit. Namminersortumik pilersitserusussusilimmillu suleriaaseqarnissat naatsorsuutigaarput suliffeqarfimmillu uummaarissumik pissanganartunik suliaqarfiusumi ilaanissat neqeroorutigalugu pingaartumillu suleqatigiinneq, attaveqaqatigiinneq sulianullu pingaartitsinermik imaqartumik neqeroorfigalutit.


Piumasaqaatit paasisassat
Ajornanngippat kandidatitut ilinniartuussaatit praktikkernerillu akilerneqarnaviarnani, taamaattorli merit-inik (ECTS-inik pissarsiffiusumik) pissarsisinnaanissat ilinniarnerpit ingerlanerani SU-siffiusumi ilaasussaavoq. Praktikkip sivisussusaa pillugu nikerarsinnaalluarpugut sulianullu tunngatillugu oqaasertaliisinnaallutalu ingerlaartumik naliliisassalluta.


Qinnuteqaat

Qinnuteqaammik naatsumik, CV-mik, inassuteqaatinik, karakterinik uunga nassiussigit: Sara.Egede@ft.dk .Qinnuteqaat ”Praktikant”-imik atserneqassaaq.

Apeqqutissaqaruit politikkikkut siunnersuisoq Sara Biilmann Egede-imut saffiginninnissannut tikilluaqqusaavutit, +45 61623283

Print Friendly, PDF & Email