Navigate / search

Praktikki

Asseq: Inuit Ataqatigiit Folketingimi

 

Folketingimi praktikkilerit

Inooqatigiit pissusaannut politikkimullu soqutiginnippit? Nunani avannarlerni, Danmarkimi Kalaallit Nunaannilu pissutsit soqutigisaraagit? Folketingimilu politikkikkut ingerlaartut allanngorartut ilinniarusuppigit?Taamaappat Inuit Ataqatigiinni Folketingimi upernaami 2019-imi ilinniagartuutut praktikkernissannut periarfissaqarputit!

Sumi? Christiansborgimi, Inuit Ataqatigiit Folketingimi.
Qaqugu? januarip naaneranit 2019-mit juunip naaneranut 2019-mut

Neqeroorutigaagut
Inuit Ataqatigiit Folketingimi politikkimut atassuteqartut assigiinngitsut Kalaallit Nunaannut, Danmarkimut Issittumullu pingaaruteqartut sammisarivagut. Tassa nunanut allanut illersornissamullu politikkimut, inuussutissarsiornikkut ineriartortitsinermut, inatsisinik atuutsitsinermut kiisalu ilinniagaqartut atugaannut il.il. tunngasunik sammisaqartarpugut.

Uagutsinni suliffimmik misileraaninni Folketingimi politikkikkut suleriaaseq pissanganartoq qanimut malinnaavigissavat, politikkikkut, inatsisartutigut attaveqaqatigiinnermullu tunngasutigut suliaqarnikkut misilittagaqarlualissallutit.

Folketingi suliffimmik misileraaffissatut pissanganartuullunilu ilinniagaqarnartuulluarpoq, piginnaasavit ineriartortinnissaannut periarfissaqarluassaatit. Politikkikkut ataatsimiinnerni peqataasassaatit, aaqqissuussani assigiinngitsuni peqataasarlutit, allaffeqarfimmilu suleqatigiilluarnermik sulinerullu nalaani pitsaasunik atugassaqartitsinissamik pingaartitsisumi suleqataassaatit.

Praktikkernermi suliassat
Ilinniagartuutut praktikkerninni suliappit pingaarnerit ilagissavaat paasisassarsiornerit, misissueqqissaarnerit Aaja Chemnitz Larsen-illu politikkikkut suliaanik ilungersuussaanillu ingerlateqqiinissaq. Taakku saniatigut allaffeqarfimmi ulluinnarni sulianut ikiuuttassaatit ass. ataatsimiinnissanut piareersarnerni pisussanullu piareersarnerni. Politikkimut, attaveqaqatigiinnermut inooqatigiillu pissusaannut soqutiginninnissat naatsorsuutigaarput namminersortumillu eqeersimaartumillu  sulinissat naatsorsuutigalugu. Saniatigut suliffeqarfimmik uummaarissumik suleqatigiinnermut, attaveqaqatigiinnermut sulianullu pikkorissusermik pingaartitsinerput tunniussinnaavarput.

Praktikkerneq akissarsiassartaqanngilaq sulinerlu sap. akunneranut 35 tiimit miss. annertussuseqassalluni. Sulinissaq politikkikkut siunnersortip aaqqissuuttassavaa tamassinnullu nikerartumik sulisinnaanissinnik pisariaqartitsisoqassalluni. Praktikkerfissaq januaarip naaneranit 2019-mit juunip naaneranut 2019-mut sivisussuseqassaaq naatsorsuutigaarpullu praktikkernerit ilinniarninni merit-imik pissarsiffissaasinnaassasoq (ECTS) ilinniarnermilu ikiorsiissutinik pisartagaqarsinnaanerit naatsorsuutigaarput. Piffissap ingerlanerani sulinerit nalilerneqartassaaq ingerlaartumillu nalilersorneqassalluni.

Qinnuteqaat
Qinnuteqaammik naatsumik, CV-mik, inassuteqaatinik, karakterinik uunga nassiussigit: Sara.Egede@ft.dk kingusinnerpaamik ataasinngorneq novemberip tallimaani 2019. Qinnuteqaat ”Praktikant”-imik atserneqassaaq. Oqaloqatigiinnerit sap. ak. 46-mi aamma 47-mi ingerlanneqarnissaat naatsorsuutigineqarpoq.

Apeqqutissaqaruit politikkikkut siunnersuisoq Sara Biilmann Egede-imut saffiginninnissannut tikilluaqqusaavutit, +45 61623283

Print Friendly, PDF & Email