Navigate / search

Inuit Ataqatigiit Pituffimmi kiffartuussinissamut isumaqatigiissummut atatillugu suliami uteriiserpoq

  Folketingimi ilaasortap Aaja Chemnitz Larsenip (IA) ippassaq Nunanut Allanut ministeri Anders Samuelsen (LA) Pituffimmi kiffartuussinissamut isumaqatigiissummut tunngasumik ataatsimeeqatigivaa. Ataatsimiinneq IA-p folketingimi ilaasortaatitaata ataatsimiigiaqqusipallanneratigut pivoq, tassami Exelis Services A/S-ip, amerikkarmiut illersornissamut suliffeqarfissuannit Vectrusimit pigineqartup, Pituffimmi kiffartuussisussatut nutaatut ukiormanna aprilimi suliassaq tigussavaa. Aaja Chemnitz Larsen pisamut atatillugu isumakuluppoq. ”Pituffimmi kiffartuussinissamut isumaqatigiissut danskit-kalaallillu suliffiannit tiguneqartariaqarpoq. Maannali aprilip […] Atuaruk

Aaja Inatsiseqarnermut ministerimut: Eqqartuussisoqarneq Kalaallit Nunaanni inuiaqatigiinni ineriartornermut nutaaliaasumut naleqquttuussaaq

Aaja Chemnitz Larsenip, Inuit Ataqatigiit folketingimi ilaasortap, ullumikkut inatsiseqarnermut ministeri, Søren Pape Poulsen, ataatsimeeqatigivaa, tassanilu Kalaallit Nunaanni inatsiseqarnermut tunngasut eqqartuiffigineqarput. Inatsiseqarnermut tunngasut suli danskit akisussaaffianniipput, tassanilu pineqarput eqqartuussisoqarneq, pinerlussimasunut isumaginnittoqarfik kiisalu Kalaallit Nunaanni politiit. Danskit naalakkersuisuisa naalakkersuisuunerminni isumaqatigiissummi siunniussatut allassimavaat, Kalaallit Nunaannut tunngasut suli akisussaaffigisatik Danmarkimisuulli pitsaatigilernissaat sulissutigineqassasoq. Aaja Chemnitz Larsen oqarpoq: “Naalakkersuisut siunniussaminnut naapertuuttumik […] Atuaruk

Aaja: Kalaallinut Danmarkimi najugaqartunut inuuniarnermikkut ajornartorsiulersinnaasunut siunnersuineq nukittorsarneqarli

Ataatsimeersuarneq 8. aamma 9. februar Nuummi ingerlanneqartussaq Aajamiit ammarneqassaaq. Ataatsimeersuarneq Aalborgimi Kalaallit Illuanniit aammalu Aalborgip Kommunianiit aaqqissuussaavoq. Maanna ukiorpaalunngortuni Inuit Ataqatigiit Folketingimi ilaasortaatitarisartagaannit kalaallinut Danmarkimi najugaqartunut inuuniarnermikkullu ajornartorsiulersinnaasunut atugarissaarnerulersitsinissamut tunngasunik sulissutiginnittoqarsimavoq. Kingullertigut ilaatigut Inuit Ataqatigiit politikkikkut uteriisaarneratigut danskit iliuusissanut aningaasanik immikkoortissimasaanniit aatsaat taamak aningaasat amerlatigisut kalaallinut Danmarkimi najugaqartunut inuuniarnermikkullu ajornartorsiulersinnaasunut ukiunullu sisamanut atuuttussatut immikkoortinneqarput, tassalu […] Atuaruk

Aaja ilisimasat taamaassorinninnerillu pillugit ilagiinnut aamma kulturimut ministerimik oqaloqateqartoq

Aaja Chemnitz Larsenip, Inuit Ataqatigiit sinnerlugit folketingimi ilaasortaasup ullumikkut ilagiinnut kulturimullu ministeri, Mette Bock, ataatsimeeqatigivaa. Ataatsimeeqatigiinnermi paaseqatigiinnerunissamut ilisimasaqarnerulernissamullu kiisalu taamaassorinnilersarnerit ingalassimaartinnissaannut kalaallit eqqumiitsuliaasa kulturiata qanoq atorluarneqarsinnaanerinut tunngasut eqqartorneqarput. Sapaatip akunnerata siuliani Aaja Chemnitz Larsenip kalaallit eqqumiitsuliortut qulit kalaallit eqqumiitsuliaannut kulturiannullu tunngasunik oqaloqatigiinnissamut qaaqquai. Tassanngalu eqqarsaatersuutit isumassarsiallu pisat ilagiinnut kulturimullu ministerimut ingerlateqqinneqarput. Ullumikkut kalaallit 16.000-it sinneqartut […] Atuaruk