Navigate / search

Pituffimmi kalaallit danskillu kiffartuussinissamut isumaqatigiissutaannut tunngatillugu piffissaaruttoqalerpoq

Ullumikkut Ministeriuneq Lars Løkke Rasmussen (V) folketingimi apeqqarissaarnermi Atlantikup avannaata ilaasortaatitaanit sisamaasunit apeqqarissaarneqarpoq. Inuit Ataqatigiit Folketingimi ilaasortaatitaata, Aaja Chemnitz Larsenip, Pituffimmi kiffartuussinissamut isumaqatigiissummut atatillugu naalakkersuisut tamakkiisumik iliuuseqarsimasutut misigisimanersut ministeriunermut apeqqutigivaa, tassami sakkutooqarfimmi kiffartuussineq danskit-kalaallillu ingerlatsiviannit, Greenland Contractorsimit, isumagineqarsimasoq ukiormanna amerikkarmiut ingerlatsiviannit isumagineqalertussaavoq. Taamatuttaaq Aaja Chemnitz Larsenimit Kangilinnguani sorsuutit umiarsualiviannut pisamut tunngatillugu Ministeriunerup qanoq atuuffeqarsimanera apeqqutigineqarpoq, […] Atuaruk

Praktikkertut paarlaapput: Sebastian maannamut qujanaq Ortulu tikilluarli

Sebastian Lukas Bych ukiup affaani Chrstiansborgimi IA Folketingip allattoqarfiani qaffasissumik ilinniagaqartuusutut prakkertikkertuusimavoq. Maanna praktikkernera naammassivoq Sebastianilu Københavnip Universitetianut utissaaq, tassanimi Det Juridiske Fakultetimi inatsisilerituunngorniartuuvoq. IA Folketingimi praktikkersimanini Sebastianip ima oqaasertalerpaa: ”IA Folketingimi praktikkernera assut nuannarisimavara. Kalaallit Nunaanni politikkinut tunngasortaanik ilikkagaqarneq assut pissanganarsimavoq, aammali Naalagaaffeqatigiinnerup iluani imminnut attaveqatigiinnerannut tunngasut malinnaavigalugit assut pissanganarsimapput. Praktikkerninni Issittoq pillugu Danmarkip […] Atuaruk

Inuit Ataqatigiinniit eqqartuussisoqarnermut tunngasutigut Folketingimi oqallitsitsisoqalerpoq

Inuit Ataqatigiit folketingimi ilaasortaatitaata Aaja Chemnitz Larsenip iliuuseqarneratigut eqqartuussisoqarnermut tunngasut tamanut ammasumik tusarniutigineqassasut Folketingip Retsudvalgiata 22. marts 2017-imi pisussatut maanna aalajangiuppaa. Tusarniaasitsineq Nunarput pillugu Ataatsimiititaliaq suleqatigalugu Folketingimi ingerlanneqassaaq, taamatullu Inuit Pisinnaatitaaffiinut Kalaallit Nunaata Siunnersuisoqatigiivisa aammalu Inuit Pisinnaatitaaffiinut Institutip, kiisalu Advokatit Siunnersuisoqatigiiffiata qanittukkut inassuteqaataat malinneqarpoq. Eqqartuussisoqarnermut tunngasut danskit akisussaaffigivaat, Inuit Ataqatigiinniillu ukiorpaalunngortuni susassaqarfiup tamassuma pitsanngorsaavigineqarnissaanut, taamatullu […] Atuaruk

Aaja Chemnitz Larsen Grønlandudvalgemi siulittaasumut tullinngorpoq

Ullumikkut Inuit Ataqatigiit folketingimi ilaasortaatitaat, Aaja Chemnitz Larsen, ataatsimiititaliami siulittaasumut tullersortaassasoq Folketingep Grønlandsudvalgiani aalajangiunneqarpoq. Grønlandsudvalgimi siulittaasuuffik tullersortilu Kalaallit Nunaanni partiit demokratiskiusumik qinerneqarnerpaat tullersortaasalu tigummisarpaat, taamaattorli junimi 2016-imi Venstremiit siulittaasuuffik tiguneqarpoq. Politikkikkut niueqatigiittoqarnerani decembarimi Venstrep siulittaasuuffini attaviitsumut Aleqa Hammondimut tunniuppaa. Ullumikkullu Grønlandsudvalgip tamarmiulluni isumaqatigiittup siulittaasup tullersortaata inissaa Aaja Chemnitz Larsenimut tunniuppaat. ”Qinersisartut aalajangiinerannik ataqqinninnissaq pingaaruteqarpoq. Qinersinermi […] Atuaruk

IA Naalagaaffiup politeeqarnikkut oqartussaanerpaaffianut, Rigspolitinut: Kalaallit Nunaanni Politiinut atukkat nukittorsarneqassapput.

Ullumikkut Inuit Ataqatigiit Folketingimi ilaasortaatitaata Aaja Chemnitz Larsenip Kalaallit Nunaanni Politiinut atugassarititaasut pillugit Rigspolitiinersut oqaloqatigivai. Kalaallini inuiaqatigiinni politiit pingaaruteqartumik atuuffeqarput, politiillu innuttaasunik kiffartuussilluarnissaminnut periarfissaat sulinermi atugassaannit sinaakkuserneqartarput.  Inatsiseqarnermut tunngasut, Kalaallit Nunaanni Politiit ilanngullugit, danskiniit akisussaaffigineqarput. Politiit sulinerminni sinaakkutissaat malittarisassaallu inuiaqatigiit ineriartornerannut naleqquttussaapput, ullumilu Inuit Ataqatigiit folketingimi ilaasortaatitaata Rigspolitiinik ataatsimeeqateqarnermini Politiit suliaannut atugaannullu tunngasut eqqartorneqarput. Maannakkorpiaq […] Atuaruk